काठमाडौं । लुम्बिनी सेरामिक्स लिमिटेडले आगामी समयावधिमा सर्वसाधारणका लागि प्राथमिक शेयर सार्वजनिक निष्काशन गर्ने तयारी थालेको छ। कम्पनीले यस कार्यका लागि शेयर निष्काशन र बिक्री प्रबन्धकको रूपमा श्री नबिल इन्भेष्टमेण्ट बैंकिङ्ग लिमिटेडलाई नियुक्त गरेको छ।

कम्पनीले यस शेयर निष्काशनको प्रक्रिया पूरा गर्नका लागि नियमनकारी निकायहरूको आवश्यक स्वीकृतिहरू प्राप्त गर्ने प्रक्रिया अघि बढाउने जनाएको छ।

लामिनार टाईल्स, जुन श्री लुम्बिनी सेरामिक्स लिमिटेड अन्तर्गत उत्पादन हुने नेपालकै पहिलो र एक मात्र सत्प्रतिशत भिट्रीफाईड टाईल्स हो, यसका उत्पादनहरू नेपाली बजारमा उच्च गुणस्तर र विविधता उपलब्ध गराउने उद्देश्यले निर्माण गरिएको हो। कम्पनीको उत्पादन प्लान्ट बर्दियाको गुलरियामा १२.५ बिघा क्षेत्रफलमा फैलिएको छ।

आजको सम्झौतामा श्री लुम्बिनी सेरामिक्स लिमिटेडका संचालक श्री श्याम सुन्दर खेतान र नबिल इन्भेष्टमेण्ट बैंकिङ्ग लिमिटेडका प्रमुख कार्यकारी अधिकृत श्री मनिष नारायण जोशीले हस्ताक्षर गरेका छन्।