काठमाडौं । महालक्ष्मी विकास बैंक र डोल्मा कन्सल्टेन्सी लिमिटेडबीच कर्जा असुली प्रणाली सुदृढ बनाउनको लागि एक महत्वपूर्ण सम्झौतापत्रमा हस्ताक्षर भएको छ। यस सम्झौताले कर्जा असुली कार्यमा सुधार ल्याउने उद्देश्य राखेको छ, जसको मार्फत बैंकलाई कर्जा असुली सम्बन्धी कानुनी परामर्श, तालिम र अन्तर्राष्ट्रिय स्तरको सफ्टवेयर प्रयोग गर्नको लागि सहजीकरण प्रदान गरिनेछ।

कार्यक्रममा बैंक र डोल्मा कन्सल्टेन्सी लिमिटेडका उच्च अधिकारीहरूको उपस्थितिमा सम्झौतापत्रमा हस्ताक्षर गरिएको हो। सम्झौतापछि डोल्मा कन्सल्टेन्सीले बैंकलाई कर्जा असुली प्रक्रिया सुधार्नका लागि स्वदेशी र विदेशी विज्ञहरूको सहयोग र अनुभव प्रदान गर्नेछ। यस सहयोगले बैंकको कर्जा असुली कार्यमा सुधार ल्याउन र कर्जा ग्राहकलाई थप सुविधाजनक सेवा प्रदान गर्न सहयोग पुर्याउने विश्वास गरिएको छ।

यस सम्झौतासँगै बैंकले आफ्ना ग्राहकहरूलाई अत्याधुनिक, सुरक्षित र सुविधाजनक डिजिटल बैंकिङ्ग सेवा उपलब्ध गराउनका लागि “महालक्ष्मी स्मार्ट साथी” नामक मोबाइल एप्लिकेसन पनि सञ्चालनमा ल्याएको छ। यस एप्लिकेसनले ग्राहकलाई थप सुरक्षित र सरल बैंकिङ्ग अनुभव प्रदान गर्ने उद्देश्य राखेको छ।

बैंक र डोल्मा कन्सल्टेन्सीबीचको यो साझेदारी कर्जा असुली र बैंकिङ्ग सेवामा सुधार ल्याउन महत्त्वपूर्ण कदम हो, जसले ग्राहकहरूको विश्वास र बैंकको सेवा स्तरमा सुधार ल्याउने अपेक्षा गरिएको छ।