काठमाडौं । हिमालयन लाइफ इन्स्योरेन्सले व्यतित बीमालेख नविकरण गर्न चाहने बीमितहरूका लागि विशेष छुटको घोषणा गरेको छ। कम्पनीले ७५ प्रतिशतसम्म विलम्ब शुल्कमा छुट दिने निर्णय गरेको हो।

साविकका प्राइम लाइफ इन्स्योरेन्स, यूनियन लाइफ इन्स्योरेन्स र गुराँस लाइफ इन्स्योरेन्सका बीमालेखहरूमध्ये व्यतित भइसकेका बीमालेखहरूमा लाग्ने ब्याज तथा जरिवानामा छुटको व्यवस्था गरिएको कम्पनीले जनाएको छ।

कम्पनीका अनुसार माघ २० देखि माघ ३० गतेसम्म नविकरण तथा पुनर्जागरण गरिने व्यतित बीमालेखहरूमा लाग्ने जरिवाना तथा ब्याजमा छुट प्रदान गरिनेछ। ७ वर्षसम्म व्यतित बीमालेखका लागि ७५ प्रतिशत छुट तथा ७ वर्षभन्दा बढी व्यतित बीमालेखमा ५० प्रतिशतसम्म छुट दिने व्यवस्था गरिएको छ।