काठमाडौं । एभरेष्ट बैंकले चैत १ गते गरिएको ऋणपत्र बाँडफाँटमा रितपूर्वक आवेदन दिएका ५ हजार ६९७ जना लगानीकर्तालाई ऋणपत्र वितरण गरेको छ। बैंकले गत फागुन १८ देखि २३ गतेसम्म ३ अर्ब रुपैयाँको ‘एभरेष्ट बैंक ऋणपत्र २०९१’ डिबेञ्चर बिक्री गरेको थियो।

बैंकले प्रतिकित्ता १ हजार रुपैयाँ अंकित मूल्यका ३० लाख ऋणपत्रमध्ये ६० प्रतिशत (१ अर्ब ८० करोड रुपैयाँ) १८ लाख कित्ता व्यक्तिगत तबकलाई र ४० प्रतिशत (१ अर्ब २० करोड रुपैयाँ) १२ लाख कित्ता सर्वसाधारणलाई बिक्री गरेको छ। सर्वसाधारणलाई छुट्याएको ऋणपत्रमध्ये ५ प्रतिशत (६० हजार कित्ता) सामुहिक लगानीकोषलाई छुट्याइएको थियो।

यस ऋणपत्रको ब्याजदर ७.५० प्रतिशत रहेको छ भने अवधि १० वर्ष तोकिएको छ। ब्याज भुक्तानी अर्धवार्षिक रूपमा ६/६ महिनाको अवधिमा गरिने बैंकले जनाएको छ।