काठमाडौं, ११ चैत । नेपाल मोंटेसरी ट्रेनिङ सेन्टरले २५औँ वार्षिकोत्सव तथा वार्षिक सम्मेलन भव्य रूपमा प्रिमियर इन्टरनेशनल क्ष्द्य कन्टिन्युम स्कूल मा सम्पन्न गरेको छ। बाल शिक्षाका क्षेत्रका प्रतिष्ठित शिक्षक, नीति निर्माताहरू, र सरोकारवालाहरू एकत्रित भई, एनएमटीसीको योगदानबारे समीक्षा गर्दै नेपालमा मोंटेसरी शिक्षाको भावी मार्गचित्रबारे छलफल गरेका हुन्।

औपचारिक समारोहका क्रममा एनएमटीसीकी निर्देशक पवित्रा लिम्बूले सम्बोधन गर्दै संस्थाको २५ वर्षको यात्रा तथा बाल शिक्षामा एनएमटीसीले पुर्याएको प्रभावबारे प्रकाश पारेकि छिन् । उनले मोंटेसरी शिक्षकहरूको अथक समर्पण र एनएमटीसीलाई नेपालको प्रमुख प्रशिक्षण संस्थाका रूपमा स्थापित गर्न सम्पूर्ण समुदायको भूमिका उल्लेख गरीन्।

मोंटेसरी शिक्षाको आधारभूत दर्शनलाई उजागर गर्दै, उनले स्वतन्त्र, जिज्ञासु र आत्मविश्वासी बालबालिका तयार पार्ने एनएमटीसीको उद्देश्यलाई पुनः पुष्टि गरे । साथै, भविष्यमा प्रशिक्षण कार्यक्रम विस्तार गर्ने, आधुनिक शिक्षण प्रविधि समावेश गर्ने, तथा साझेदारीहरू सुदृढ गर्दै नेपालभर बाल शिक्षाको गुणस्तर सुधार गर्ने एनएमटीसीका लक्ष्यहरू पनि उहाँले प्रस्तुत गरे

कार्यक्रममा प्रधान अतिथि देव राज घिमिरेले एनएमटीसीको नेपालमा मोंटेसरी प्रशिक्षणको अगुवा भूमिका को प्रशंसा गर्दै गुणस्तरीय प्रारम्भिक बाल शिक्षाले राष्ट्रको भविष्य निर्माण गर्न महत्वपूर्ण भूमिका खेल्ने कुरामा जोड दिए। सेतो गुराँसकी संस्थापक अगाथा पाख्रिन थापा ले पनि मोंटेसरी शिक्षाका आफ्ना अनुभवहरू प्रस्तुत गर्दै सहभागीहरूलाई प्रेरित गरे।

एनएमटीसी एन्ड्युरिङ एक्सिलेन्सस् लङ्गेस्ट सर्भिस अवार्ड -२०२५ ले आजीवन बाल शिक्षामा समर्पित व्यक्तित्वहरूलाई सम्मान गरको छ। एनएमटीसी एलुम्नाई एक्सिलेन्स इन मोंटेसरी एजुकेशन लिडरशिप अवार्ड २०२५ ले संस्थाका पूर्व प्रशिक्षार्थीहरूलाई सम्मान समेत सम्मान गरेको हो ।

जबकि लाइफटाइम एचिभमेन्ट अवार्ड ले बाल शिक्षाको क्षेत्रमा महत्वपूर्ण योगदान पुर्याएका व्यक्तित्वहरूलाई श्रद्धा व्यक्त गरेको छ। कार्यक्रमको आरम्भमा प्रिमियर इन्टरनेशनल कन्टिन्युम स्कूलका विद्यालय काउन्सलर तथा मनोवैज्ञानिक कर्णव प्रभाकरद्वारा रोडेभलपमेन्टल डिसअर्डर र प्रारम्भिक बाल विकास विषयमा महत्वपूर्ण सेमिनार प्रस्तुत गरे ।

उनले अटिज्म स्पेक्ट्रम डिसअर्डर र भाषागत ढिलाइजस्ता न्यूरोडेभलपमेन्टल समस्याहरूको समयमै पहिचान तथा हस्तक्षेपको आवश्यकता बारे प्रकाश पारे। शिक्षकहरूले विविध आवश्यकताहरू भएका बालबालिकाका लागि समावेशी र सहयोगी सिकाइ वातावरण कसरी निर्माण गर्न सक्छन् भन्ने विषयमा व्यावहारिक अध्ययन प्रस्तुत गर्दै, उनले मोंटेसरी-आधारित शिक्षण विधिहरू बालबालिकाको संज्ञानात्मक, सामाजिक, र भावनात्मक विकासका लागि कसरी प्रभावकारी हुन सक्छन् भन्ने स्पष्ट पारे।

त्यस्तै, स्पिच एन्ड हियरिङ एसोसिएसन अफ नेपालकी उपाध्यक्ष तथा भाषिक-सुनाइ विशेषज्ञ नीलम लामा दाहाल द्वारा भाषा तथा श्रवण विकासस् महत्वपूर्ण चरणहरू र प्रारम्भिक जोखिम पहिचानू विषयमा अर्को महत्वपूर्ण सत्र प्रस्तुत गरिएको जनाएको छ । उनले बाल्यकालको भाषिक विकासका महत्वपूर्ण चरणहरू तथा भाषा वा सुनाइसम्बन्धी समस्या देखाउने संकेतहरू बारे छलफल गरे। साथै, स्पिच थेरापी विधिहरू, अभिभावकहरूको भूमिका, र शिक्षण पद्धतिहरूमा प्रारम्भिक हस्तक्षेपको प्रभावकारिता सम्बन्धी महत्वपूर्ण जानकारी प्रस्तुत गरे। उनको सत्रले बाल्यकालमै सही हस्तक्षेप गरिएमा दीर्घकालीन भाषिक तथा सञ्चारसम्बन्धी समस्या रोक्न सकिन्छ भन्ने महत्त्वलाई गरेको छ ।

समारोहको अन्त्यमा अन्तरक्रियात्मक छलफल र नेटवर्किङ सत्र आयोजना गरियो, जसले शिक्षक, प्रशिक्षक, र अन्य सरोकारवालाहरूलाई नवीनतम विचार आदानप्रदान गर्ने र सहकार्यको अवसरहरू खोज्ने अवसर प्रदान गरेको जनाएको छ ।