काठमाडौं । नेपाल एसबिआई बैंक लिमिटेडले आफ्नो सामाजिक उत्तरदायित्व कार्यक्रम अन्तर्गत सर्लाही जिल्लाको हरिपुर नगरपालिका वडा नं ७ स्थित मुसहर समुदायका लागि शैक्षिक तथा अत्यावश्यक सामग्री वितरण गरेको छ।

बैंकका मधेश प्रदेश प्रमुख श्री उदय पञ्जियार थारुले एक विशेष कार्यक्रमका बीच ५० परिवार तथा बालबालिकाहरुलाई सामग्री हस्तान्तरण गरेका थिए। कार्यक्रममा हरिपुर नगरपालिकाका प्रमुख श्री गोपाल पजियार, बैंक तथा नगरपालिकाका अन्य पदाधिकारीहरूको पनि उपस्थिति रहेको थियो।

बैंकले बिपन्न तथा पिछडिएको समुदायका लागि यस्ता सहयोगमूलक कार्यक्रमहरू निरन्तर सञ्चालन गर्दै आएको छ।

नेपाल एसबिआई बैंक लिमिटेडले विगत ३१ वर्षदेखि सेवा दिँदै आएको छ। हाल बैंकका १०० शाखा, २२ एक्स्टेन्सन काउन्टर, २२ शाखा रहित बैंकिङ सेवा, ७ प्रादेशिक कार्यालय, १२५ एटिएम र १ कर्पोरेट कार्यालय सञ्चालनमा छन्।