नेपालकै एक मात्र आइबी कन्टिन्युम स्कूल प्रिमियर इन्टरनेशनल स्कूलले आइबीडीपी तथा एनईबी (IB Diploma Programme (IBDP) र National Examination Board (NEB)) अन्तर्गत अध्ययन पूरा गरेका ७३ जना दीक्षित विद्यार्थीहरू—४१ जना NEB र ३२ जना IBDP बाट—लाई एक भव्य दीक्षान्त समारोहमार्फत सम्मानपूर्वक विदाई गरेको छ।

समारोहका मुख्य अतिथि ललितपुर महानगरपालिकाका प्रमुख श्री चिरिबाबु महर्जनले दीक्षित विद्यार्थीहरूलाई शुभकामना दिँदै प्रिमियर स्कूलको शैक्षिक अग्रसरताको खुलेर प्रशंसा गर्नुभयो। उहाँले भन्नुभयो, “ललितपुर शिक्षाको केन्द्र हो, र प्रिमियरजस्तो विद्यालय यो पहिचानको नेतृत्व गरिरहेको छ। प्रिमियर ललितपुर मात्र होइन, सिङ्गो देशकै उत्कृष्ट विद्यालयहरूमध्ये एक हो।” उहाँले थप गर्नुभयो, “यो विद्यालय शिक्षामा अग्रणी छ र विश्वस्तरीय गुणस्तर प्रदान गर्ने क्षेत्रमा सधैं अगाडि छ।” उहाँको सम्बोधनले समारोहमा थप गरिमा थप्यो।

 

 

कार्यक्रमको विशेष आकर्षण मुख्य अतिथि चिरिबाबु महर्जनद्वारा प्रदान गरिएका शैक्षिक सम्मानहरू थिए। NEB की अयुष्मा राजभण्डारी र IBDP का शुभम बजगाईंलाई Salutatorian को सम्मान प्रदान गरियो भने IBDP की आश्नी रुंगटा र NEB का प्रबिग्य पुरुष ढकाललाई Valedictorian को उपाधिले विभूषित गरियो। उनीहरूले मन्तव्य मार्फत आफ्ना शैक्षिक अनुभव, आभार तथा भविष्यका आकांक्षाहरू भावनात्मक रूपमा प्रस्तुत गरे।

समारोहको सुरुआत विद्यालयकी संस्थापक निर्देशक श्री पवित्रा लिम्बूको प्रेरणादायी स्वागत मन्तव्यबाट भएको थियो। उहाँले भन्नुभयो, “हामीले ती नानीहरूलाई उत्सुक र जिज्ञासु सिक्ने यात्राका रूपमा अभिभावकबाट लिएका थियौं, आज ती नै बालबालिका जिम्मेवार, संवेदनशील र सक्षम युवा बनेर तपाईंको काखमा फर्काइरहेका छौं।” उहाँले अभिभावकप्रति आभार व्यक्त गर्दै दीक्षित विद्यार्थीहरूलाई उज्ज्वल भविष्यका लागि शुभकामना दिनुभयो।

कार्यक्रममा शिक्षा तथा युवा नेतृत्वसँग सम्बन्धित विभिन्न प्रतिष्ठित व्यक्तिहरूको उपस्थिति रहेको थियो। तिनमा शिक्षा, विज्ञान तथा प्रविधि मन्त्रालयका सचिव श्री चूडामणि पौडेल, उच्च तथा माध्यमिक विद्यालय संघ नेपाल (HISSAN) का अध्यक्ष श्री रमेश सिलवाल, शिक्षा मन्त्रालयका सहसचिव श्री शिवकुमार सापकोटा, निजी तथा आवासीय विद्यालय संगठन नेपाल (PABSON) का अध्यक्ष श्री कृष्णप्रसाद अधिकारी, राष्ट्रिय PABSON (NPABSON) का अध्यक्ष श्री सुवास न्यौपाने, राष्ट्रिय युवा महासंघ नेपालका अध्यक्ष श्री क्षितिज थेबे, निजी शैक्षिक संस्था संघ नेपाल (IEPAN) का अध्यक्ष श्री लक्ष्मण केसी, अस्ट्रेलियन शैक्षिक प्रतिनिधि संघ नेपाल (AAERI) का अध्यक्ष श्री द्विराज शर्मा, नेपाल अभिभावक संघका अध्यक्ष श्री सुप्रभात भण्डारी, अन्तर्राष्ट्रिय विद्यालय खेलकुद महासंघ (ISF) का कार्यसमिति सदस्य तथा नेपाल विद्यालय खेलकुद महासंघ (NSSF) का महासचिव श्री राजकुमार कार्की, नेपाल मोंटेसरी संघ (NMA) का महासचिव श्री दीपक अग्रवाल, ललितपुर शिक्षा महाशाखाका प्रमुख श्री देवीप्रसाद पौडेल, वडा नं. १५ का अध्यक्ष श्री सुरेश बहादुर सासी, तथा विद्यालय, संस्था, र शैक्षिक संघसंस्थाका निर्देशक, प्रधानाध्यापक तथा प्रतिनिधिहरू उपस्थित हुनुहुन्थ्यो। साथै, कार्यक्रममा राष्ट्रिय बास्केटबल टिमका कप्तान तथा प्रिमियरका प्रशिक्षक श्री सदीश प्रधानको उपस्थिति विशेष उल्लेखनीय रह्यो।

शैक्षिक निर्देशक श्री प्रविना थापाले समापन मन्तव्य दिँदै भन्नुभयो, “जहाँसम्म तपाईंको शिक्षा र अवसरले तपाईंलाई लैजाओस्, नेपाल तपाईंको घर हो। एक दिन फर्किनुहोस् र तपाईंले पाएको ज्ञान र सीप केही अर्थपूर्ण योगदानका रूपमा आफ्नै देशमा लगानी गर्नुहोस्।”
NEB का समन्वयक श्री अच्युतप्रसाद लम्साल र IBDP का समन्वयक डा. अमित बडोलाले संयुक्त रूपमा कक्षा २०२५ का दीक्षित विद्यार्थीहरूलाई बिदाइ गर्दै भने, “अब तपाईंहरूको परिचयपत्रमा ‘विद्यार्थी’ होइन ‘पूर्व विद्यार्थी’ लेखिनेछ, तर यो विद्यालय सधैं तपाईंहरूको घर नै रहनेछ। तपाईंहरू हाम्रो हृदयमा सधैं विशेष स्थानमा रहनेछ।”

प्रिमियर इन्टरनेशनल स्कूल नेपालकै एक मात्र IB Continuum School हो, जहाँ Primary Years Programme (PYP), Middle Years Programme (MYP) र Diploma Programme (IBDP) सम्मको पूर्ण IB शृंखला उपलब्ध छ। साथै, विद्यालयले राष्ट्रिय परीक्षा बोर्ड (NEB) अन्तर्गतको वरिष्ठ माध्यमिक तहको शैक्षिक कार्यक्रम पनि सञ्चालन गर्दै आएको छ, जसले विद्यार्थीहरूलाई दुईवटा शैक्षिक विकल्प प्रदान गर्दछ। अनुसन्धानमुखी शिक्षा, अन्तर्राष्ट्रिय दृष्टिकोण, समग्र विकास, र सामाजिक जिम्मेवारीमा आधारित Premier को शैक्षिक दर्शनले नेपाल र विश्वका लागि उत्तरदायी, सक्षम र सहानुभूतिशील नेतृत्व विकास गर्न सधैं अग्रसर छ।