काठमाडौं । आई.एम.ई. लाइफ इन्स्योरेन्स कम्पनीले आफ्ना बीमित, अभिकर्ता तथा कर्मचारीहरूलाई लक्षित गर्दै ओम हस्पिटलमा विशेष छुट सुविधा उपलब्ध गराएको छ। कम्पनीसँगको सहकार्यअनुसार अब ओम हस्पिटलमा उपचार गराउँदा १० प्रतिशत छुट प्राप्त गर्न सकिनेछ।

साथै, हस्पिटलले स्वास्थ्य जाँच (हेल्थ चेकअप) प्याकेजमा पनि विशेष सहुलियत दिने व्यवस्था मिलाइएको छ।

छुट सुविधा प्राप्त गर्न बीमितहरूले कम्पनीको मोबाइल एप ‘IME LIFE Mobile App’ मा रहेको प्रिभिलेज कार्ड देखाउनु पर्नेछ। अभिकर्ता तथा कर्मचारीहरूले भने कम्पनीबाट जारी गरिएको आधिकारिक परिचयपत्र देखाएर छुट सुविधा लिन सक्नेछन्।

यो सहकार्यबाट कम्पनीका सेवाग्राहीहरू लाभान्वित हुने विश्वास गरिएको छ।