काठमाण्डौं । नबिल बैंकले ७ वर्षसम्म स्थिर रहने दरमा अटो लोन दिने योजना सार्वजनिक गरेको छ। बैंकले वार्षिक ८.२५ प्रतिशत ब्याजदरमा ७ वर्षका लागि अटो लोन उपलब्ध गराउने स्किम ल्याएको हो।

यो योजना पेट्रोल/डिजेलबाट चल्ने कार तथा विद्युतीय सवारी (EV) दुबैमा लागू हुने बताइएको छ। ‘स्मार्ट फाइनान्सिङ फर योर ड्रीम कार’ ट्यागलाइनसहितको यो अफर भाद्र अन्तिमसम्म मात्र लागू रहनेछ।  भृकुटीमण्डपमा जारी ‘नाइमा मोबिलिटी एक्सपो’ र त्यसपछिको ‘नाडा अटो शो’मा गाडीको कारोबार उच्च हुने अनुमान गर्दै बैंकले नयाँ स्किम ल्याएको हो।