काठमाडौं । आई.एम.ई. लाइफ इन्स्योरेन्सले आफ्नो आठौँ वार्षिकोत्सवको अवसरमा वृहत रक्तदान कार्यक्रम सम्पन्न गरेको छ । नेपाल रेडक्रस सोसाइटीको प्राविधिक सहयोगमा काठमाडौंको लैनचौरमा आयोजित कार्यक्रममा कम्पनीका सञ्चालक समितिका सदस्य, ग्राहक, अभिकर्ता, कर्मचारी तथा सर्वसाधारण गरी सयौं व्यक्तिले स्वेच्छिक रक्तदान गरेका थिए ।

“रगतदान, जीवनदान” भन्ने मूल नाराका साथ सम्पन्न कार्यक्रममा प्रमुख कार्यकारी अधिकृत पवन कुमार खड्काले उद्घाटन गर्दै स्वास्थ्य, सेवा र सामाजिक उत्तरदायित्वलाई कम्पनीको महत्वपूर्ण आधारका रूपमा लिएको बताउनुभयो । उहाँले रक्तदान जस्तो जीवनरक्षक कार्यलाई सबैले आफ्नो दायित्वका रूपमा लिनुपर्नेमा जोड दिनुभयो ।

कार्यक्रमले सामाजिक उत्तरदायित्वप्रति कम्पनीको प्रतिबद्धता झल्काएको आयोजकहरूले बताएका छन् ।