काठमाडौं । नाडा अटो शो २०२५ भोलिदेखि सुरु हुँदैछ। यही अवसरमा स्काईवेल ईभीको नेपालका लागि आधिकारिक वितरक जी मोटर्सले आकर्षक अफर सार्वजनिक गरेको छ।

अटो शोमा स्काईवेल ईभी बुकिङ गर्ने ग्राहकले आफ्ना एक जोडी र दुई बालबालिकासहित युरोप टुर जाने अवसर पाउनेछन्। साथै, प्रत्येक बुकिङसँगै डायमन्ड नेकलेस उपहार दिइनेछ भने एक जना भाग्यमानी ग्राहकले रोलेक्स घडी प्राप्त गर्नेछन्।

पुरानो गाडी साटेर स्काईवेल खरिद गर्न चाहनेका लागि कम्पनीले स्पेसल एक्सचेन्ज बोनस पनि उपलब्ध गराउने जनाएको छ।

हाल नेपाली बजारमा स्काईवेलले ईटी५ लङ रेन्ज (मूल्य १ करोड १५ लाख रुपैयाँ) तथा बीई११ मोडल (मूल्य ७९ लाख ९० हजार र ८९ लाख ९० हजार) उपलब्ध गराइरहेको छ। बीई११ मोडल ४१० र ५२० किलोमिटर रेञ्जमा प्राप्त गर्न सकिन्छ। यी दुवै फुल–साइज एसयूभी हुन्।

चीनमा उत्पादन हुने स्काईवेलका गाडी हालसम्म ६५ भन्दा बढी मुलुकमा निर्यात भइसकेका छन्। यो ब्रान्ड चिनियाँ इलेक्ट्रोनिक्स कम्पनी स्काईवर्थको सहायक ब्रान्ड हो।