काठमाडौं । डेल्टा अटोकर्प प्रा.लि., नेपालका लागि भेष्पा अप्रिलियाको आधिकारिक बिक्रेता, ले राजधानीको बौद्धस्थित पिपलबोटमा नयाँ फुल–फ्यासिलिटी सर्भिस सेन्टर सञ्चालनमा ल्याएको छ।

यस नयाँ सर्भिस सेन्टरमार्फत ग्राहकहरुले स्पेयर पार्ट्स, नियमित मर्मत तथा बिक्री पछिको सेवा एउटै छानामुनि पाउनेछन्। अत्याधुनिक उपकरण र अनुभवी प्राविधिकसहितको सुविधा सम्पन्न सेन्टरले स्कुटरहरुको मर्मतलाई अझ सहज, भरपर्दो र प्रभावकारी बनाउने कम्पनीले जनाएको छ।

कम्पनीका निर्देशक एवं सीईओ विजय महतोले भने,
“यो नयाँ सर्भिस सेन्टरले बिक्री पछिको सेवाको दायरा अझ फराकिलो बनाउनेछ। भेष्पा अप्रिलियाका ग्राहकहरुले अब सजिलै मर्मत तथा सेवा सुविधा पाउनेछन्। हामी ग्राहक सन्तुष्टिलाई नै प्राथमिकता दिंदै आएका छौं र यो सेन्टरले थप सहजता दिनेछ।”

डेल्टा अटोकर्पले निरन्तर उत्कृष्ट बिक्री पछिको सेवा प्रदान गर्दै आएको र यस सर्भिस सेन्टरले भेष्पा अप्रिलियाप्रेमीलाई नयाँ स्तरको सुविधा दिने कम्पनीको दाबी छ।