काठमाडौं । नेपाली बजारमा फोटोन टुनल्यान्ड जी७ को सफल लन्चपछि यस वर्षको नाडा अटो शोमा फोटोनका अन्य दमदार गाडीहरू प्रदर्शनीमा रहेका छन्। नेपालका लागि आधिकारिक वितरक एमएडब्लु कमर्सियलले फोटोनका तीन प्रमुख मोडल टुनल्यान्ड भी९, टुनल्यान्ड जी७ र ई–टुनल्यान्ड सार्वजनिक प्रदर्शनमा राखेको छ।

हाइब्रिड पिकअप टुनल्यान्ड भी९ मजबुत इन्जिन, शक्तिशाली ड्राइभिङ अनुभव र आकर्षक डिजाइनसहित विभिन्न किसिमका सडक तथा ड्राइभिङ अवस्थाका लागि उपयुक्त मानिएको छ। काम वा मनोरञ्जन दुवै प्रयोजनका लागि उपयोगी यो मोडल नाडा अटो शोको प्रमुख आकर्षण बन्ने अपेक्षा गरिएको छ।

नेपालमा पहिले नै उल्लेखनीय सफलता पाइसकेको टुनल्यान्ड जी७ स्टाइलिश डिजाइन, आरामदायी इन्टेरियर र सहज ड्राइभिङ अनुभवका कारण लोकप्रिय मोडल बनेको छ। यसले प्रदर्शन र आराम दुवै क्षेत्रमा ग्राहकलाई प्रभावित पार्ने दाबी गरिएको छ।

यस्तै, वातावरणमैत्री विकल्पका रूपमा प्रस्तुत गरिएको ई–टुनल्यान्ड इलेक्ट्रिक पिकअप हो। फोटोनले यसमार्फत हरित भविष्यतर्फको कदम चालेको बताइएको छ। इन्धनरहित भए पनि यसमा फोटोनका परम्परागत पावर र पर्फर्मेन्सका विशेषताहरू जस्ताको तस्तै रहेको कम्पनीले जनाएको छ।