पोखरा । पोखरा महानगरपालिका–२७, तालचोकस्थित माछापुछ्रे पोलीक्लिनिक एण्ड डाइग्नोष्टिक प्रा.लि. र प्रभु बैंक लिमिटेडबीच विशेष छुट सम्बन्धी सम्झौता भएको छ । सम्झौता अनुसार प्रभु बैंकका कर्मचारी, कर्मचारीका परिवार तथा ग्राहकहरुले सो पोलीक्लिनिकबाट स्वास्थ्य सेवा लिँदा ५% देखि २०% सम्म छुट पाउने भएका छन् ।

सम्झौतापत्रमा माछापुछ्रे पोलीक्लिनिक तर्फबाट चिकित्सा निर्देशक डा. प्रकाश भट्टराई र सञ्चालन निर्देशक श्रीमती भावना भण्डारी तथा प्रभु बैंक तर्फबाट तालचोक शाखा प्रबन्धक श्री प्रकाश पौडेलले संयुक्त हस्ताक्षर गरेका छन् ।

ग्राहकहरूको रोजाइको अग्रणी बैंकको रुपमा रहेको प्रभु बैंक नेपालभर ३१२ शाखा, २८४ एटीएम र ६९ एक्सटेन्सन काउन्टरमार्फत करिब ३५ लाख भन्दा बढी ग्राहकलाई सेवा दिइरहेको छ । हालसालै “बैंक अफ द इयर २०२३” को उपाधि प्राप्त गरेको यस बैंकले अत्याधुनिक प्रविधि मार्फत प्रतिस्पर्धात्मक र गुणस्तरीय सेवा प्रवाह गर्दै आएको छ । साथै बैंकले फिनाकल इन्फोसिस ईनोभेसन गोल्ड–२०२४ अवार्ड पनि हासिल गरेको छ ।