महिला उद्यमी महासंघ नेपालका सदस्यलाई नेपाल इन्भेष्टमेण्ट मेगा बैंकद्वारा विशेष छुटसहितको सेवा
Thursday Sep 04, 2025
वि.सं.२०८२ भदौ १९ बिहीवार २०:४८
काठमाडौं, १९ भाद्र । नेपाल इन्भेष्टमेण्ट मेगा बैंक लिमिटेड र महिला उद्यमी महासंघ नेपालबीच व्यावसायिक सम्झौता भएको छ।
महिला व्यवसाय प्रवद्र्धन गर्ने उद्देश्यले भएको सम्झौतामा बैंकका प्रमुख कार्यकारी अधिकृत ज्योति प्रकाश पाण्डे र महासंघकी अध्यक्ष शोभा ज्ञवालीले हस्ताक्षर गर्नुभयो।
सम्झौताअनुसार महासंघका सम्पूर्ण सदस्यहरुले महिलाद्वारा सञ्चालित उद्यम तथा नयाँ उद्यमी बन्न चाहने महिलालाई लक्षित विशेष बैंकिङ सुविधा, छुटसहितको कर्जा, वित्तीय साक्षरताका कार्यक्रम र परामर्श सेवा प्राप्त गर्नेछन्।
बैंकले आफ्नो २७५ वटा शाखामार्फत महिला उद्यमीलाई विशेष प्राथमिकताका साथ सेवा दिने प्रतिबद्धता जनाएको छ। यसबाट महासंघका सदस्यहरु प्रत्यक्ष लाभान्वित हुने विश्वास बैंकले व्यक्त गरेको छ।
