काठमाडौं । एनएमबि बैंकले आफ्ना ग्राहक तथा कर्मचारीलाई विशेष सुविधा प्रदान गर्न बेस्ट वेस्टर्न प्लस काठमाडौं होटलसँग नयाँ साझेदारी गरेको छ।

यस सहकार्यअन्तर्गत, एनएमबि बैंकका कार्डवाहकहरूले होटलमा कोठा बुकिङ गर्दा २० प्रतिशत छुट पाउनेछन्, जसले उनीहरूको बसाइ अझ किफायती र सहज हुने अपेक्षा गरिएको छ।

त्यस्तैगरी, बैंकका ग्राहक र कर्मचारीहरूले होटलका प्रख्यात रेस्टुरेन्टहरू सनराइज क्याफे र ला भिस्टा रुफटप क्याफेमा खानेकुरा, बेकरीका सबै सामान तथा होटलको स्विमिङ पूल प्रयोगमा १० प्रतिशत छुट पाउनेछन्।

हाल एनएमबि बैंकले देशभर २०२ शाखा, १८७ एटिएम र ९ एक्सटेन्सन काउन्टरमार्फत आफ्ना ग्राहकलाई उच्चस्तरीय सेवा प्रदान गर्दै आएको छ।