काठमाडौं । एनआईसी एशिया बैंकका ग्राहक महानुभावहरुले अब धनगढी, कैलालीमा रहेको स्वस्तिक कार्डियो एण्ड मल्टिस्पेसियालिटी हस्पिटल मा स्वास्थ्य उपचार गर्दा १५ प्रतिशतसम्म छुट पाउने भएका छन्।

स्वस्तिक हस्पिटल र बैंकबीच भएको सम्झौता अनुसार, एनआईसी एशिया बैंकका ग्राहकहरुले विभिन्न स्वास्थ्य सेवामा छुट पाउने छन्। यसमा सामान्य स्वास्थ्य परीक्षण, ल्याब टेस्ट, इमेजिङ सेवा, अपरेशन, औषधोपचार, फिजियोथेरापी, कार्डियोलोजी, नेफ्रोलोजी, न्युरोलोजी, अर्थोपेडिक, स्त्रीरोग, बालरोग, दन्त उपचार, आँखा उपचार, ईएनटी, छाला तथा अन्य विशेषज्ञ सेवाहरु समावेश छन्।

यस छुट सुविधाको प्रयोग गर्नका लागि ग्राहकहरुले बैंकको डेबिट, क्रेडिट वा प्रिपेड कार्ड प्रयोग गर्नुपर्नेछ वा मोबैंक एप मार्फत डिजिटल भुक्तानी गर्नुपर्नेछ।

एनआईसी एशिया बैंकले यस सहकार्यले आफ्ना ग्राहकलाई उपचारमा राहत मिल्ने विश्वास लिएको छ। साथै, डिजिटल भुक्तानी प्रवर्द्धनमार्फत मुलुकलाई नगदरहित कारोबारतर्फ अघि बढाउन यसले टेवा पुग्ने बैंकको धारणा छ।