काठमाडौँ उपत्यकाको ट्राफिक व्यवस्थापनलाई सहयोग पुर्‍याउन एमएडब्लु फाउन्डेसनले ट्राफिक प्रहरीलाई १० वटा यामाहा एफजेड मोटरसाइकल हस्तान्तरण गरेको छ।

आन्दोलनपश्चात् कानून व्यवस्था कायम गर्न, जनतालाई शान्ति–सुरक्षाको प्रत्याभूति दिलाउन तथा प्रहरी र ट्राफिक निकायलाई आवश्यक स्रोत उपलब्ध गराउने उद्देश्यले यो सहयोग गरिएको हो।

एमएडब्लु फाउन्डेसनले सदैव देश, सरकार र समाजप्रति आफ्नो जिम्मेवारी निर्वाह गर्दै आएको छ। संस्थाले भविष्यमा पनि जिम्मेवार नागरिकको कर्तव्य पालन गर्दै समाज हितका कार्यमा निरन्तर योगदान गर्ने प्रतिवद्धता व्यक्त गरेको छ।