काठमाडौं । सिटिजन्स बैंक इन्टरनेसनल लिमिटेडले आर्थिक वर्ष २०८१र८२ को मुनाफाबाट शेयरधनीहरूलाई कुल ५।२६ प्रतिशत लाभांश प्रस्ताव गरेको छ।

बैंकको शुक्रबार बसेको ४९१औं सञ्चालक समितिको बैठकले ५ प्रतिशत बोनस शेयर ९रु। ७३ करोड ८४ लाख ५० हजार ६४८।३०० र कर प्रयोजनका लागि ०।२६ प्रतिशत नगद लाभांश ९रु। ३ करोड ८८ लाख ६५ हजार ८२३।५९० सहित जम्मा रु। ७७ करोड ७३ लाख १६ हजार ४७१।८९ बराबरको लाभांश प्रस्ताव गरेको हो।

प्रस्तावित लाभांश नेपाल राष्ट्र बैंकको स्वीकृति तथा आगामी १९औं वार्षिक साधारण सभाले पारित गरेपछि मात्र शेयरधनीहरूलाई वितरण गरिने बैंकले जनाएको छ।

२०६४ साल बैशाख ७ गतेदेखि व्यवसाय सुरु गरेको बैंकले २०६५र६६ देखि निरन्तर लाभांश वितरण गर्दै आएको छ। हालसम्मको औसत लाभांश दर ११।८७ प्रतिशत रहेको छ भने प्रस्तावित लाभांशसहित पछिल्ला १० वर्षको औसत लाभांश दर १०।५२ प्रतिशत पुगेको छ।

हालै “बैंक अफ द ईयर २०२४” को उपाधि प्राप्त गरेको सिटिजन्स बैंकले फोनपेसँग सहकार्यमा नेपालमै पहिलो “सिटिजन्स फोनपे क्रेडिट कार्ड” सञ्चालनमा ल्याएको छ। त्यस्तै, ‘फ्रिलान्सर सेविङ्स अकाउन्ट’, मोबाइल एपमार्फत शेयर आवेदन, ऋच्ल नम्बर सेवा, र क्रस बैंक टेलर सुविधा जस्ता नविनतम सेवा थप गरेको बैंकले देशभरका ६१ जिल्लामा २०० शाखा, १६९ एटीएम, ३ विस्तारित काउन्टर र ७४ शाखारहित बैंकिङ्ग इकाइमार्फत १९ लाखभन्दा बढी ग्राहकलाई सेवा प्रदान गर्दै आएको छ।