काठमाडौं । हिमालयन सेक्युरिटिज लिमिटेडको पाँचौँ वार्षिक साधारण सभा २०८२ असोज ९ गते (सेप्टेम्बर २५, २०२५) कम्पनीको दर्ता कार्यालय, कमलादी, काठमाडौंमा सम्पन्न भएको छ ।

सभाले आ.व. २०८१/८२ को सञ्चालक समितिको प्रतिवेदन, वित्तीय विवरण (वासलात, नाफा नोक्सान, नगद प्रवाह विवरण) लगायतका वार्षिक विवरणमाथि छलफल गरी पारित गरेको छ । साथै, सञ्चालक समितिले प्रस्ताव गरेअनुसार चुक्ता पूँजीको ८ प्रतिशत (करसहित) नगद लाभांश वितरण गर्ने प्रस्ताव पनि सर्वसम्मत रूपमा पारित गरिएको छ ।

साधारण सभाले आ.व. २०८२/८३ का लागि लेखापरीक्षकमा एम.बी. श्रेष्ठ एण्ड कम्पनी, चार्टर्ड एकाउन्टेन्ट्सलाई नियुक्त गर्ने निर्णय गरेको छ ।

सभामा सञ्चालक समितिका अध्यक्ष सुशिल जोशीले कम्पनीले छोटो अवधिमै हासिल गरेको उपलब्धीबारे प्रकाश पार्दै धितोपत्र दलाल सेवामा सुशासन, अनुपालना र आधुनिक प्रविधिको प्रयोगमार्फत सर्वसुलभ सेवा उपलब्ध गराई नेतृत्वदायी भूमिका निर्वाह गर्ने कम्पनीको लक्ष्य रहेको जानकारी दिनुभयो ।