काठमाडौं।एन आई सी एशिया बैंक लिमिटेडले लिलाम बिक्रीमा रहेका सम्पत्तिहरु सम्बन्धी सम्पूर्ण जानकारी उपलब्ध गराउने उद्देश्यले अनलाइन पोर्टल सार्वजनिक गरेको छ ।

यस पोर्टलमार्फत बैंकिङ्ग सम्पत्ति, गैर बैंकिङ्ग सम्पत्ति तथा धितो सुरक्षणमा रहेका सम्पत्तिहरुको कित्ता नम्बर, क्षेत्रफल, फोटो, नक्सा तथा स्थान (गुगल म्यापसहित) सहजै हेर्न सकिनेछ । ग्राहकले लिलाम सम्पत्तिको विवरण हेरेपछि थप जानकारीका लागि सोही पोर्टलमा उपलब्ध म्यासेज बक्समार्फत आफ्नो नाम, इमेल, मोबाइल नम्बर र ठेगाना पठाउन सक्ने व्यवस्था गरिएको छ ।

बैंकले यस पोर्टलमार्फत नियमित रुपमा लिलाम बिक्रीसम्बन्धी विवरण प्रकाशन गर्ने भएकाले इच्छुक ग्राहकले विस्तृत जानकारी लिएर लाभ लिन सक्ने विश्वास लिएको छ ।