काठमाडौँ । सिटिजन्स् बैंक इन्टरनेसनल लिमिटेड र काठमाडौं, सिनामंगलस्थित काठमाडौं मेडिकल कलेज पब्लिक लिमिटेड बीच बिरामी उपचार सम्बन्धी सहकार्यका लागि समझदारी पत्रमा हस्ताक्षर भएको छ।

उक्त सम्झौता अनुसार सिटिजन्स् बैंकका कार्डबाहक तथा मोबाइल बैंकिङ ग्राहकहरू ले काठमाडौं मेडिकल कलेजमा उपलब्ध विशेषज्ञ उपचार सेवामा १५ प्रतिशतसम्मको आकर्षक छुट पाउनेछन्। बैंकले यस सहकार्यबाट आफ्ना ग्राहकहरूलाई प्रत्यक्ष रूपमा लाभ मिल्ने र डिजिटल कारोबारलाई प्रोत्साहन गर्ने विश्वास व्यक्त गरेको छ।

सिटिजन्स् बैंकले ग्राहकहरूलाई डिजिटल माध्यमबाट भुक्तानी गर्न उत्साहित बनाउन समय–समयमा विभिन्न ग्राहकमैत्री सुविधा र सहकार्य कार्यक्रमहरू सञ्चालन गर्दै आएको छ। डिजिटल कारोबार गर्दा पाइने छुट र सेवासम्बन्धी विस्तृत जानकारी बैंकको अधिकृत वेबसाइट मा उपलब्ध छ।

हालै मात्र ‘बैंक अफ द ईयर २०२४’ को प्रतिष्ठित उपाधि प्राप्त गर्न सफल सिटिजन्स् बैंकले फोनपेसँग सहकार्यमा नेपालमै पहिलो पटक “सिटिजन्स फोनपे क्रेडिट कार्ड” (भर्चुअल क्रेडिट कार्ड) सेवा सुरु गरेको छ। साथै, फ्रिलान्सर सेविङ्स अकाउन्ट, मोबाइल बैंकिङमार्फत शेयर आवेदन र ऋण नम्बर सेवा, र क्रस बैंक टेलर सुविधा जस्ता नवप्रवर्तनात्मक सेवा पनि सञ्चालनमा ल्याएको छ।

सिटिजन्स् बैंक इन्टरनेसनल लिमिटेड ले हाल देशभरका ६१ जिल्लामा २०० शाखा, १६९ एटीएम, ३ विस्तारित काउन्टर र ७४ शाखा–रहित बैंकिङ इकाइहरू मार्फत करिब १९ लाख ४४ हजार ग्राहकलाई आधुनिक बैंकिङ सेवा प्रदान गरिरहेको छ।