काठमाडौँ । ग्रीनेदी इनर्जी लिमिटेडले प्रारम्भिक सार्वजनिक निष्कासन (आईपीओ) प्रक्रिया अगाडि बढाउन प्रभु क्यापिटल लिमिटेडलाई शेयर निष्काशन तथा बिक्री प्रबन्धकमा नियुक्त गरेको छ। सो सम्बन्धी सम्झौता सोमबार सम्पन्न भएको कम्पनीले जनाएको छ।

सम्झौतामा ग्रीनेदी इनर्जी लिमिटेडका तर्फबाट अध्यक्ष युरेश मान कायस्थ र प्रभु क्यापिटलका प्रबन्ध सञ्चालक आशिष गौचनले हस्ताक्षर गरेका छन्।

कम्पनीले आफ्नो जारी पूँजीको ३० प्रतिशत साधारण शेयर आयोजना प्रभावित क्षेत्रका स्थानीय बासिन्दा तथा सर्वसाधारणका लागि निष्काशन गर्ने तयारी गरेको छ। कम्पनीले कास्की जिल्लाको इदी खोलामा निर्माण गरिएको ‘इदी खोला जलविद्युत आयोजना’ मिति २०८२ वैशाख ८ गतेदेखि व्यावसायिक उत्पादनमा आएको जानकारी दिएको छ।

आयोजनामा बैंकिङ, जलविद्युत, बीमा तथा पूँजी बजार क्षेत्रका अनुभवी व्यक्तिहरूको सहभागिता रहेको र परियोजना क्यु–६५ हाईड्रोलोजिकल संरचनामा निर्माण गरिएको कम्पनीले जनाएको छ।

आगामी दिनमा जलविद्युतसँगै सौर्य तथा हरित ऊर्जामा पनि लगानी गर्ने योजना रहेको अध्यक्ष कायस्थले जानकारी दिए।