काठमाडौं । लुम्बिनी सिरेमिक्स लिमिटेडद्वारा उत्पादित लामिनार टाइल्स र नबिल बैंकबीच देशभरका लामिनार टाइल्सका डिलरहरूलाई च्यानल फाइनान्सिङ सुविधा प्रदान गर्ने सम्झौता भएको छ।

काठमाडौंमा आयोजित कार्यक्रममा लुम्बिनी सिरेमिक्सका प्रमुख वित्त अधिकारी प्रकाश पौडेल र नबिल बैंकका प्रमुख व्यापार अधिकारी टेक राज भट्टबीच सम्झौतापत्रमा हस्ताक्षर गरी आदान–प्रदान गरिएको हो।

यस साझेदारीमार्फत लामिनार टाइल्सका डिलरहरूले सजिलै चालु पूँजी (वर्किङ क्यापिटल) प्राप्त गर्न सक्नेछन्, जसले इनभेन्टरी व्यवस्थापन सहज बनाउने र व्यवसाय सञ्चालनलाई थप सुदृढ बनाउने कम्पनीले जनाएको छ।

नबिल बैंकले डिलरहरूका लागि उपलब्ध गराउने प्रमुख सुविधाहरूः

०.५% लोन प्रशासकीय शुल्क

LC तथा बैंक ग्यारेन्टी जारी गर्दा छुट

कर्पोरेट मोबाइल बैंकिङ सुविधा

सेफ–डिपोजिट लकर तथा POS मेसिन शुल्कमा ५०% छुट

निःशुल्क SMS ट्रान्जेक्सन अलर्ट

मुख्य कर्मचारीका लागि अधिकतम रु. ५ लाख सीमासहित निःशुल्क क्रेडिट कार्ड

Nabil Care अन्तर्गत क्रिटिकल इलनेस बीमा सुविधा

दुवै संस्थाले यो सहकार्यले डिलरहरूको लिक्विडिटी बढाउने, वित्तीय बोझ कम गर्ने र नेपालको टाइल्स उद्योगको दिगो विकासमा सहयोग गर्ने विश्वास व्यक्त गरेका छन्।