काठमाडौं । नबिल बैंक लिमिटेडको कोष प्रवर्द्धकत्वमा र नबिल इन्भेष्टमेन्ट बैंकिङ्ग लिमिटेडको योजना व्यवस्थापनमा संचालित नबिल म्युचुअल फन्ड अन्तर्गतको दोस्रो खुलामुखी योजना एन आई ३१ का ईकाइहरुको खरिद÷बिक्री कार्य सोमबार, मंसिर १५ बाट सुरु गरिएको छ।

यस योजना अन्तर्गत व्यवस्थित लगानी योजना कक्षमा दर्ता हुन चाहने लगानीकर्ताले सोही दिनदेखि दर्ता गर्न सक्ने कम्पनीले जनाएको छ।

एन आई ३१ का ईकाइहरु काठमाडौंको नक्साल, नारायणचौरस्थित सेन्ट्रल प्लाजामा रहेको नबिल इन्भेष्टमेन्ट बैंकिङ्ग लिमिटेडको कार्यालय तथा कम्पनीको आधिकारिक वेबसाइटमार्फत खरिद÷बिक्री गर्न सकिने जनाएको छ। इच्छुक लगानीकर्ताले आफ्नो इच्छाअनुसार मासिक, त्रैमासिक, अर्धवार्षिक वा वार्षिक अवधिमा न्यूनतम रू. १,००० बाट पनि लगानी गर्न सक्ने कम्पनीको जानकारी छ।