शेयरधनीलाई चुक्ता पुँजीमा ९% लाभांश वितरण, श्री अप्सरा उप्रेती निर्विरोध संचालक निर्वाचित

काठमाडौँ। नेपाल एसबिआई बैंक लिमिटेडले आफ्नो ३२औँ वार्षिक साधारण सभा २ जनवरी २०२६ मा त्रिभुवन आर्मी अफिसर्स क्लब, भद्रकाली, काठमाडौँमा सम्पन्न गरेको छ। सभाले बैंकको आ.व. २०८१÷८२ को संचालक समितिको प्रतिवेदन, लेखापरीक्षकको प्रतिवेदन र वार्षिक वित्तीय विवरण पारित गरेको छ।

सभाले शेयरधनीलाई चुक्ता पुँजीमा ९% लाभांश वितरण गर्ने प्रस्ताव पारित गरेको छ, जसमा ४% बोनस शेयर र ५% नगद लाभांश समावेश छ। साथै, आ.व. २०८२÷८३ का लागि मेशर्स पिकेएफ टि.आर. उपाध्याय एण्ड कम्पनीलाई लेखापरीक्षक नियुक्ति गर्ने निर्णय पनि गरिएको छ।

सर्वसाधारण शेयरधनी समूहको तर्फबाट श्री अप्सरा उप्रेतीलाई निर्विरोध संचालक निर्वाचित गरिएको छ। सभाले बैंकलाई अन्य बैंक वा वित्तीय संस्थासँग मर्जर/एक्विजिसन सम्बन्धी निर्णय लिन संचालक समितिलाई अधिकार दिने प्रस्ताव पनि पारित गरेको छ।

यस अवसरमा बैंकले देशभर ३२ भन्दा बढी सामाजिक उत्तरदायित्व (CSR) कार्यक्रम सञ्चालन गर्दै ३,५०० भन्दा बढी व्यक्तिहरूलाई लाभान्वित गरेको छ। CSR कार्यक्रमहरूमा गुणस्तरीय शिक्षा, जोखिममा परेका समुदायको राहत, र वित्तीय साक्षरता प्रवर्द्धनमा जोड दिइएको थियो।