धनगढी। टाटा मोटर्सको नेपालका लागि आधिकारिक वितरक सिप्रदी ट्रेडिङ प्रालिले सुदूरपश्चिमका ग्राहक लक्षित गर्दै धनगढीमा ‘माघी एक्सचेन्ज उत्सव’ आयोजना गर्ने भएको छ। आगामी माघ १ देखि ३ गतेसम्म बोराडाँडीस्थित GARS ट्रेडिङमा हुने तीनदिने उक्त उत्सवमा टाटाका अत्याधुनिक इलेक्ट्रिक मोडेलहरूको प्रदर्शन तथा परीक्षण ड्राइभ व्यवस्था हुनेछ।

उत्सवमा टाटाको टियागो ईभी, कर्भ ईभी, नेक्सन के३ ईभी तथा पञ्च ईभीसहितका नयाँ मोडल उपलब्ध रहने कम्पनीले जनाएको छ। पुरानो गाडी साटेर नयाँ सवारी लिन चाहने ग्राहकका लागि यो कार्यक्रम विशेष अवसर हुने सिप्रदीको भनाइ छ।

यस्तै, उत्सवमा सहभागी तथा बुकिङ गर्ने ग्राहकले आकर्षक एक्सचेन्ज बोनस, एक्सेसरिज, निःशुल्क चार्जिङ बक्स जडान, निःशुल्क एभीटी तथा सिप्रदीको चार्जिङ नेटवर्कमा लाइफ टाइम निःशुल्क चार्जिङ जस्ता सुविधाहरू प्राप्त गर्नेछन्। साथै प्रत्येक बुकिङमा उपहारसमेत उपलब्ध हुने कम्पनीले जनाएको छ।

सिप्रदीका अनुसार यो अभियानले आधुनिक, भरपर्दो र किफायती विद्युतीय सवारी छनोट गर्न ग्राहकलाई थप सहज बनाउने छ। इच्छुक ग्राहकले धनगढीस्थित GARS ट्रेडिङमा गएर टाटाका मोडेल अवलोकन तथा टेस्ट ड्राइभ गर्न सक्नेछन्।