काठमाडौं । राष्ट्रिय स्वतन्त्र पार्टी (रास्वपा) का वरिष्ठ नेता बालेन शाहविरुद्ध निर्वाचन आयोगमा उजुरी दर्ता भएको छ। उजुरी धर्मराज तिमिल्सिनाले दर्ता गरेका हुन्।

उजुरीमा शाहले केपी शर्मा ओलीसँगको सार्वजनिक डिबेटको सन्दर्भमा सामाजिक सञ्जालमा गरेका टिप्पणीहरू लोकतान्त्रिक बहसको मर्मविपरीत र मानहानिकारक भएको आरोप छ। उनले प्रयोग गरेका शब्दहरू, जस्तै “७६ जना बच्चाको हत्यारा, आतंकवादी, देश जलाउने”, कुनै प्रमाणबिना गम्भीर र तथ्यहीन भएको उल्लेख छ।

साथै, महोत्तरीलगायतका जिल्लामा रास्वपाले भारतीय नम्बर प्लेटका सवारीसाधन चुनावी प्रचारमा प्रयोग गरेको पनि उजुरीमा दाबी गरिएको छ।

उजुरीमा सत्यतथ्य छानबिन गरी आवश्यक कारबाही गर्न आयोगसँग माग गरिएको छ।