काठमाडौं । एनएमबि बैंक लिमिटेडले चालू आर्थिक वर्षको दोस्रो त्रैमासिक वित्तीय विवरण सार्वजनिक गरेको छ। सार्वजनिक विवरणअनुसार बैंकको कुल आम्दानी बढेको छ, तर इम्पेयरमेन्ट चार्ज बढेकाले खुद नाफा घटेको छ।

बैंकले चालू आवको पुस मसान्तसम्म ४ अर्ब ७७ करोड १४ लाख रुपैयाँ खुद ब्याज आम्दानी गरेको छ, जुन गत आवको सोही अवधिको ४ अर्ब २५ करोड ३२ लाख रुपैयाँको तुलनामा १२.१८ प्रतिशतले बढेको हो।

त्यसैगरी खुद फी तथा कमिशन आम्दानी १ अर्ब १० करोड ८३ लाख रुपैयाँबाट बढेर १ अर्ब ३४ करोड २९ लाख रुपैयाँ पुगेको छ। कुल सञ्चालन आम्दानी ५ अर्ब ६८ करोड ४६ लाख रुपैयाँबाट बढेर ६ अर्ब ५४ करोड ९२ लाख रुपैयाँ कायम भएको छ।

तर, इम्पेयरमेन्ट चार्ज ३४ करोड ४७ लाख रुपैयाँबाट बढेर १ अर्ब ५५ करोड २२ लाख रुपैयाँ पुगेकोले बैंकको खुद नाफा घटेको छ। यसकारण खुद नाफा २ अर्ब ३५ लाख रुपैयाँबाट घटेर १ अर्ब ६४ करोड ८६ लाख रुपैयाँमा झरेको छ। सञ्चालन नाफा पनि २ अर्ब ९६ करोड २८ लाख रुपैयाँबाट घटेर २ अर्ब ५१ करोड रुपैयाँमा सीमित भएको छ।

वितरणयोग्य मुनाफा १ अर्ब ३३ करोड ७७ लाख रुपैयाँबाट घटेर ५६ करोड ४३ लाख रुपैयाँमा सीमित भएको छ।

समीक्षा अवधिमा बैंकको प्रतिशेयर आम्दानी (EPS) २०.७८ रुपैयाँबाट घटेर १७.१० रुपैयाँमा झरेको छ। खराब कर्जा (एनपीएल) ३.९६ प्रतिशतबाट बढेर ४.५६ प्रतिशत पुगेको छ। प्रतिशेयर नेटवर्थ १६८.७५ रुपैयाँ कायम रहेको छ भने मूल्य आम्दानी अनुपात (P/E Ratio) १३.९८ गुणा रहेको छ।

बैंकको चुक्ता पूँजी १९ अर्ब २८ करोड ५० लाख रुपैयाँ रहेको छ भने जगेडा कोषमा १३ अर्ब ३७ करोड ६८ लाख रुपैयाँ सञ्चित छ। बैंकले २ खर्ब ३९ अर्ब ४७ करोड रुपैयाँ कर्जा प्रवाह गरी २ खर्ब ९१ अर्ब ४४ करोड रुपैयाँ निक्षेप संकलन गरेको छ।