काठमाडौं । बिएफआईएन नामक संस्थाको आयोजनामा बीमा क्षेत्रसँग सम्बन्धित एकदिने भव्य कार्यक्रम आज काठमाडौंमा आयोजना हुँदैछ।

राजधानीको ललितपुरस्थित स्क्वाएर होटलमा आयोजना हुन लागेको कार्यक्रममा बीमा प्राधिकरणका कार्यकारी निर्देशक सुशिल सुवेदी, निर्देशक पुजन ढुंगेल, नेपाल बीमक संघका अध्यक्ष, नेपाल जीवन बीमक संघका अध्यक्षसहित दर्जनभन्दा बढी बीमा कम्पनीका प्रमुख कार्यकारी अधिकृत (सीईओ)हरूको सहभागिता रहनेछ। कार्यक्रममा भारतबाट आमन्त्रित बीमा क्षेत्रका विज्ञहरूको समेत उपस्थिति रहने आयोजकले जनाएको छ।

‘बिल्डिङ अ रेसिलिएन्ट इन्स्योरेन्स इकोसिस्टम’ नाम दिइएको उक्त कार्यक्रममा नेपाली बीमा क्षेत्रका नियामक निकाय तथा बीमा कम्पनीहरूलाई एउटै मञ्चमा ल्याई बीमा प्रणालीलाई अझ सुदृढ बनाउने विषयमा महत्वपूर्ण छलफल गरिनेछ।

एकदिने कार्यक्रम बिहान ९ बजेदेखि सुरु हुनेछ। कार्यक्रममा पत्रकार तथा अन्य सरोकारवालाहरूको समेत सहभागिता रहनेछ।