काठमाडौँ । याङ्गो राइड नेपालले पछिल्ला २–३ महिनामा प्लेटफर्ममा उत्कृष्ट प्रदर्शन गरेका नयाँ ड्राइभरहरूलाई विशेष रूपमा सम्मान गर्दै आफ्नो नियमित मासिक ड्राइभर सम्मान कार्यक्रम आयोजना गरेको छ।

कार्यक्रममार्फत् छोटो समयमा याङ्गो राइडका सेवा मापदण्डहरू अपनाई यात्रुहरूलाई सुरक्षित, भरपर्दो र गुणस्तरीय सेवा प्रदान गर्ने ड्राइभरहरूको योगदानको कदर गरिएको हो। उत्कृष्ट प्रदर्शन गर्ने नयाँ पार्टनर ड्राइभरहरूलाई प्रोत्साहनस्वरूप विभिन्न पुरस्कार प्रदान गरियो भने सहभागी सबै ड्राइभरलाई प्रशंसा प्रमाणपत्र उपलब्ध गराइयो।

जाडो मौसमलाई ध्यानमा राख्दै ड्राइभरहरूको दैनिक कामलाई सहज बनाउन याङ्गो राइडले विशेष जाडो ब्याग वितरण गरेको थियो। उक्त ब्यागमा याङ्गो ब्रान्डेड ज्याकेट, पञ्जा, कार फ्रेशनर, प्रिमियम क्लिनिङ कपडा तथा की–रिङ समावेश थियो, जसले ड्राइभरको सुविधा मात्र नभई यात्रुहरूको कार सवारी अनुभव सुधार गर्न सहयोग पुर्‍याउने उद्देश्य राख्दछ।

यो कार्यक्रम याङ्गो राइडको नेपालमा सञ्चालन हुँदै आएको नियमित मासिक पहल अन्तर्गत आयोजना गरिएको हो। यस पहलको उद्देश्य ड्राइभरहरूसँग प्रत्यक्ष संवाद कायम राख्नु, उनीहरूको प्रतिक्रिया सुन्नु, उत्कृष्ट सेवाको पहिचान र प्रोत्साहन गर्नु तथा ड्राइभर समुदायबीच विश्वास र दीर्घकालीन सम्बन्ध निर्माण गर्नु हो।

याङ्गो राइड नेपालले आगामी दिनहरूमा पनि ड्राइभरहरूको आवश्यकतालाई ध्यानमा राख्दै यस्ता मासिक सम्मान कार्यक्रमहरू निरन्तर रूपमा आयोजना गर्ने जनाएको छ।