• चेरी क्यूले प्रतिष्ठित २०२५ रेड डट डिजाइन अवार्ड प्राप्त गरेको।
• चेरी क्यूले २०२६ आईएफ डिजाइन अवार्ड समेत जित्न सफल।
• शतप्रतिशत विद्युतीय शहरी बहुउपयोगी सवारी चेरी क्यू को नेपालमा पहिलो सार्वजनिक प्रदर्शन नाइमा मोबिलिटी प्रदर्शनी–२०२६ मा हुने।

काठमाडौं। नेपालका लागि चेरी ब्रान्डको आधिकारिक वितरक पायोनियर मोटो कर्प ले विश्वप्रसिद्ध २०२५ रेड डट डिजाइन अवार्ड तथा २०२६ आईएफ डिजाइन अवार्ड प्राप्त चेरी क्यू लाई नाइमा मोबिलिटी प्रदर्शनी–२०२६ मार्फत नेपालमा पहिलो पटक सार्वजनिक गर्ने घोषणा गरेको छ।

विश्वकै प्रतिष्ठित डिजाइन सम्मानमध्ये एक मानिने रेड डट डिजाइन अवार्ड–२०२५ ले चेरी क्यू लाई यसको आकर्षक बनावट, नवीन सोच तथा सौन्दर्य र उपयोगिताबीचको उत्कृष्ट सन्तुलनका लागि सम्मानित गरेको हो। अन्तर्राष्ट्रिय डिजाइन विज्ञहरूको निर्णायक मण्डलद्वारा प्रदान गरिने यस पुरस्कारले नवीनता, गुणस्तर तथा उत्कृष्ट प्रयोगकर्ता अनुभवलाई नयाँ उचाइमा पुर्‍याउने उत्पादनलाई सम्मान गर्ने गर्दछ।

चेरी क्यू ले आधुनिक शहरी विद्युतीय सवारीको नयाँ अवधारणा प्रस्तुत गर्दै भविष्यमुखी बनावट र बुद्धिमत्तापूर्ण इन्जिनियरिङको उत्कृष्ट समन्वय गरेको छ। यसको आकर्षक बाहिरी स्वरूप, सरल र सुसज्जित भित्री संरचना, विशिष्ट प्रकाश व्यवस्था तथा फराकिलो यात्रु कक्षले आधुनिक शहरी जीवनशैलीलाई ध्यानमा राखेर निर्माण गरिएको बहुउपयोगी सवारीको परिचय दिन्छ।

नेपाली ग्राहकहरूले २०८३ साउन २७ गतेदेखि भदौ १ गतेसम्म (११–१६ अगस्ट २०२६) काठमाडौंको भृकुटीमण्डप मा आयोजना हुने नाइमा मोबिलिटी प्रदर्शनी–२०२६ मा पहिलो पटक अन्तर्राष्ट्रिय पुरस्कार विजेता चेरी क्यू लाई प्रत्यक्ष रूपमा अवलोकन गर्न सक्नेछन्।

दैनिक शहरी यात्रालाई सहज, सुरक्षित र आरामदायी बनाउने उद्देश्यले विकास गरिएको चेरी क्यू मा ४१.२ किलोवाट–घण्टा क्षमताको ब्याट्री तथा ९० किलोवाट क्षमताको विद्युतीय मोटर जडान गरिएको छ। यसले एनईडीसी (NEDC) मापदण्ड अनुसार करिब ४०० किलोमिटरसम्म यात्रा गर्न सक्ने अपेक्षा गरिएको छ। पछाडिका पाङ्ग्रामा शक्ति प्रवाह हुने प्रणालीमा आधारित यस शहरी बहुउपयोगी विद्युतीय सवारीले उत्कृष्ट सञ्चालन अनुभवका साथै उच्च ऊर्जा दक्षता प्रदान गर्दछ।

आधुनिक बनावट, अन्तर्राष्ट्रिय रूपमा सम्मानित गुणस्तर तथा अत्याधुनिक विद्युतीय प्रविधिको समन्वय भएको चेरी क्यू ले नेपालको तीव्र गतिमा विस्तार भइरहेको विद्युतीय सवारी बजारमा नयाँ मापदण्ड स्थापित गर्ने विश्वास गरिएको छ।