भक्तपुर । नेपालको पहिलो बैंक नेपाल बैंक लिमिटेड र भक्तपुर महानगरपालिका–९, राधेराधे स्थित सिग्मा डायग्नोस्टिक्स ल्यावरेटरी प्रा. लि. बीच विशेष छुटसहित स्वास्थ्य सेवा प्रदान गर्ने सम्बन्धमा सम्झौता भएको छ।

सम्झौताअनुसार नेपाल बैंकमा खाता रहेका ग्राहकहरू, बैंकमा कार्यरत कर्मचारीहरू तथा कर्मचारीका परिवारका सदस्यहरूले सिग्मा डायग्नोस्टिक्सबाट प्रदान गरिने विभिन्न प्याथोलोजी सेवाहरूमा २० प्रतिशतदेखि ५० प्रतिशतसम्म छुट प्राप्त गर्नेछन्। उक्त छुट डिजिटल माध्यमबाट गरिने कारोबारमा मात्र लागू हुने व्यवस्था गरिएको छ।

सम्झौतापत्रमा मिति २०८२ फागुन ०८ गते बैंकका तर्फबाट बजारीकरण तथा अनुसन्धान डिभिजन प्रमुख निर्मल सुवेदी तथा ल्यावका तर्फबाट निर्देशक वेद प्रकाश मिश्रले हस्ताक्षर गरेका हुन्।

यस सम्झौताले नेपाल बैंकका कर्मचारी, ग्राहक तथा उनका परिवारलाई सहुलियतपूर्ण तथा गुणस्तरीय स्वास्थ्य सेवा प्राप्त गर्न सहयोग पुग्ने विश्वास गरिएको छ।