काठमाडौं। ब्रिटिश एजुकेशन ग्रुपअन्तर्गत सञ्चालित ब्रिटिश प्रोफेशनल कलेजका विद्यार्थीहरूले एसीसीए जुन २०२६ को परीक्षामा नेपाल तथा विश्वस्तरमा उल्लेखनीय सफलता हासिल गरेका छन्।

एसीसीए प्लाटिनम स्वीकृत शिक्षण साझेदार तथा कम्प्युटरमा आधारित परीक्षा केन्द्रको मान्यता प्राप्त कलेजका विद्यार्थीहरूले विभिन्न विषयमा उत्कृष्ट नतिजा हासिल गरेका हुन्।

कलेजका अनुसार सहारा मगियाले कार्यसम्पादन व्यवस्थापन ९पीएम० विषयमा नेपाल प्रथम र विश्व आठौँ स्थान हासिल गरेका छन्। त्यसैगरी नेहा खतिवडाले रणनीतिक व्यवसायिक नेतृत्व ९एसबीएल० मा नेपाल प्रथम र विश्व १८औँ, आशुतोष शर्माले रणनीतिक व्यवसायिक प्रतिवेदन ९एसबीआर० मा नेपाल प्रथम र विश्व ११औँ स्थान प्राप्त गरेका छन्।

यस्तै आशास्वी कुमारी श्रेष्ठले उन्नत कर प्रणाली ९एटीएक्स० मा नेपाल दोस्रो र विश्व १७औँ, शेलिश्मा सिवाकोटीले कार्यसम्पादन व्यवस्थापन ९पीएम० मा नेपाल तेस्रो र विश्व १३औँ तथा राकेश साहले रणनीतिक व्यवसायिक प्रतिवेदन ९एसबीआर० मा नेपाल दोस्रो र विश्व १३औँ स्थान हासिल गरेका छन्।

यस उपलब्धिप्रति प्रतिक्रिया दिँदै ब्रिटिश एजुकेशन ग्रुपका व्यावसायिक शिक्षा प्रमुख दिपेन्द्र के। श्रेष्ठले विद्यार्थीहरूको सफलता उनीहरूको अथक मेहनत, समर्पण तथा अनुभवी शिक्षकहरूको निरन्तर मार्गदर्शनको परिणाम भएको बताए। उनले राष्ट्रिय मात्र नभई विश्वस्तरमा समेत उत्कृष्ट नतिजा हासिल गर्दै विद्यार्थीहरूले कलेजको शैक्षिक उत्कृष्टतालाई थप उचाइमा पुर्‍याएको उल्लेख गरे। साथै, सफल सबै विद्यार्थीलाई बधाई दिँदै आगामी यात्राका लागि शुभकामना व्यक्त गरे।

यसैबीच, कलेजले सेप्टेम्बर २०२६ शैक्षिक सत्रका लागि एसीसीए कार्यक्रममा भर्ना खुला भएको जनाएको छ। एसीसीए अध्ययन गर्न इच्छुक विद्यार्थीलाई ललितपुरको चाकुपाटस्थित कलेजमा सम्पर्क गरी निःशुल्क शैक्षिक परामर्श लिन तथा समयमै आफ्नो सिट सुरक्षित गर्न आग्रह गरिएको छ।

ब्रिटिश एजुकेशन ग्रुपअन्तर्गत सञ्चालित ब्रिटिश प्रोफेशनल कलेज नेपालका अग्रणी व्यावसायिक शिक्षण संस्थामध्ये एक हो। एसीसीए प्लाटिनम स्वीकृत शिक्षण साझेदारका रूपमा कलेजले अन्तर्राष्ट्रियस्तरको शिक्षण, आधुनिक शैक्षिक पूर्वाधार तथा अनुभवी प्राध्यापकमार्फत विद्यार्थीलाई विश्वस्तरीय लेखा तथा वित्तीय क्षेत्रमा करियर बनाउन आवश्यक ज्ञान र सीप प्रदान गर्दै आएको जनाएको छ।