काठमाडौं । नेपाल बैंक लिमिटेड ले आफ्ना कर्जा ग्राहकलाई लक्षित गर्दै ब्याज छुट सहित कर्जा चुक्ता वा नियमित गर्ने विशेष योजना सार्वजनिक गरेको छ।

बैंकका अनुसार वि.सं. २०७९ साल चैत्र मसान्तअघि खराब वर्गमा वर्गीकृत भई रु. १ करोडसम्म बक्यौता रहेका कर्जा ग्राहकहरूले वि.सं. २०८३ आषाढ मसान्तभित्र शर्तअनुसार ब्याज छुट सुविधा प्राप्त गरी कर्जा चुक्ता गर्न सक्नेछन्।

यस्तै, वि.सं. २०८० बैशाख १ गतेपछि निष्क्रिय तथा सक्रिय वर्गमा रहेका कर्जा ग्राहकहरूले वि.सं. २०८२ चैत्र मसान्तभित्र बक्यौता सावाँ तथा ब्याज भुक्तानी गरी कर्जा चुक्ता वा नियमित गरेमा ब्याज छुट सुविधा प्रदान गरिने बैंकले जनाएको छ।

बैंकले सम्बन्धित सबै कर्जा ग्राहकलाई नजिकको शाखा कार्यालयमा सम्पर्क गरी उपलब्ध ब्याज छुट योजनाको लाभ लिन आग्रह गरेको छ।