काठमाडौं । कुजु नेपाल प्रा.लि., नेपालका लागि याडिया ब्रान्डको आधिकारिक वितरकले ‘चैत्र मेगा एक्सचेन्ज कार्निभल’ घोषणा गरेको छ। उक्त अभियान चैत ४ देखि चैत ११ गतेसम्म सञ्चालन हुने जनाइएको छ।

यस सीमित अवधिको योजनामार्फत ग्राहकलाई विद्युतीय सवारीतर्फ आकर्षित गर्ने लक्ष्य राखिएको कम्पनीले जनाएको छ। अभियानअन्तर्गत ग्राहकहरूले याडिया ओविन र याडिया ईबीएस प्रो मोडलमा अधिकतम १५ हजार रुपैयाँसम्म एक्सचेन्ज बोनस पाउनेछन्।

त्यसैगरी, मासिक ३,९९९ रुपैयाँदेखि सुरु हुने सहज किस्ता (EMI) सुविधासमेत उपलब्ध गराइएको छ, जसले ग्राहकलाई विद्युतीय स्कुटर खरिद गर्न थप सहज बनाउने विश्वास गरिएको छ।

यो एक्सचेन्ज कार्निभल देशभर रहेका याडिया शोरुमहरूमा सञ्चालन हुने र ग्राहकलाई नजिकको शोरुममा गई अफरको लाभ लिन आग्रह गरिएको छ।

विश्व बजारमा लगातार ९ वर्षदेखि विद्युतीय दुईपांग्रे सवारी बिक्रीमा अग्रस्थानमा रहँदै आएको याडियाले नेपालमा पनि आफ्नो उपस्थितिलाई बलियो बनाउँदै आएको कम्पनीको दाबी छ।

कुजु नेपालका अनुसार यो अभियानले विद्युतीय सवारीलाई अझ सुलभ, पहुँचयोग्य र आकर्षक बनाउँदै वातावरणमैत्री यातायाततर्फ ग्राहकलाई प्रेरित गर्ने लक्ष्य लिएको छ।

इन्धनको बढ्दो मूल्य र वातावरणीय सचेतना बढ्दै जाँदा यस किसिमका योजनाले बजारमा सकारात्मक प्रभाव पार्ने अपेक्षा गरिएको छ।