काठमाडौँ । एन आई सी एशिया बैंक र स्तुपा कम्युनिटी हस्पिटल बीच बैंकका ग्राहक र हस्पिटलका शेयर होल्डर तथा कर्मचारीहरूका लागि विभिन्न सुविधा प्रदान गर्ने विषयमा समझदारी भएको छ।

समझदारी पत्रमा बैंकको तर्फबाट सर्कल हेड–काठमाडौँ नर्थ सुदिन कुमार लामाज्यू र हस्पिटलको तर्फबाट निर्देशक डा. पेम्बा लामाज्यू ले हस्ताक्षर गर्नुभएको थियो।

यस समझदारीअनुसार, बैंकका ग्राहकहरूले हस्पिटलमा उपचार गर्दा विभिन्न सेवाहरूमा १५ प्रतिशत छुट प्राप्त गर्न सक्नेछन्। साथै, स्तुपा स्वास्थ्य सेवा सहकारी संस्थाका बोर्ड सदस्य, निर्देशक, कर्मचारी र अन्य शेयर होल्डरहरूले बैंकको क्रेडिट कार्ड मार्फत उपलब्ध सेवाहरू प्रयोग गर्न सक्नेछन्।

ग्राहक सुविधालाई अझ परिष्कृत र सुलभ बनाउन बैंकको एटिएम सेवा हस्पिटल परिसरमै सञ्चालन गरिने व्यवस्था समेत समझदारी पत्रमा उल्लेख गरिएको छ।

एन आई सी एशिया बैंक का अनुसार, यस सहकार्यले ग्राहक र हस्पिटलमा आबद्ध शेयर होल्डर तथा कर्मचारीहरूको लागि सेवा थप सहज र सुलभ हुने विश्वास गरिएको छ।