काठमाडौं । Garima Bikas Bank Limited ले गुणस्तरीय बैंकिङ सेवा र सूचना सुरक्षा व्यवस्थापनमा उत्कृष्टता हासिल गर्दै दुई अन्तर्राष्ट्रिय आईएसओ प्रमाणपत्र प्राप्त गरेको छ।

बैंकले गुणस्तरीय व्यवस्थापन प्रणालीतर्फ आईएसओ ९००१:२०१५ र सूचना सुरक्षा व्यवस्थापनतर्फ आईएसओ २७००१:२०२२ प्रमाणपत्र प्राप्त गरेको हो। यी दुवै प्रमाणपत्र एकैसाथ प्राप्त गर्ने सीमित संस्थामध्ये पर्न सफल भएको बैंकले जनाएको छ।

लाजिम्पाटस्थित बैंकको केन्द्रीय कार्यालयमा आयोजित कार्यक्रममा विश्वव्यापी सर्टिफिकेसन संस्था ‘इन्टरसर्ट’का तर्फबाट लिड अडिटर रोशन श्रेष्ठले बैंकका प्रमुख कार्यकारी अधिकृत माधव प्रसाद उपाध्यायलाई प्रमाणपत्र हस्तान्तरण गरेका थिए।

कार्यक्रममा प्रमुख कार्यकारी अधिकृत उपाध्यायले गुणस्तरीय सेवा र सूचना प्रविधिको सुरक्षा अझ सुदृढ गर्दै ग्राहकको विश्वास जित्ने दिशामा बैंक अघि बढ्ने बताएका छन्।

बैंकले देशभर १२६ शाखामार्फत करिब ९ लाख ग्राहकलाई सेवा दिँदै आएको छ। साथै, सुरक्षित, सरल र विश्वसनीय डिजिटल तथा भौतिक बैंकिङ सेवा विस्तार गर्दै आएको जनाएको छ।