काठमाडौं। CFMOTO का नेपालका आधिकारिक वितरक Rishi Trade Center ले वर्षायामलाई लक्षित गर्दै ‘CFMOTO मनसुन केयर क्याम्प’ सञ्चालन गर्ने घोषणा गरेको छ।

कम्पनीका अनुसार सेवा अभियान बैशाख २० गतेदेखि २५ गतेसम्म देशभरका CFMOTO सर्भिस सेन्टरहरूमा सञ्चालन हुनेछ। यस अभियानको उद्देश्य ग्राहकहरूलाई वर्षायामअघि नै आफ्नो मोटरसाइकलको आवश्यक मर्मत तथा जाँच गरी सुरक्षित र भरपर्दो सवारी अनुभव प्रदान गर्नु हो।

अभियान अवधिभर ग्राहकहरूले विभिन्न आकर्षक छुट तथा सेवाहरू प्राप्त गर्न सक्नेछन्। जसअनुसार रेगुलर पार्ट्समा १० प्रतिशत, बडी पार्ट्समा २० प्रतिशत, लेबर चार्जमा ५० प्रतिशत तथा लुब्रिकेन्टमा ५ प्रतिशत छुट प्रदान गरिनेछ। साथै, निःशुल्क बाइक वासको सुविधा पनि उपलब्ध हुनेछ।

कम्पनीले यस क्याम्पमार्फत ग्राहक सन्तुष्टि, गुणस्तरीय बिक्रीपछिको सेवा तथा सवारी सुरक्षाप्रति आफ्नो प्रतिबद्धता पुनः पुष्टि गरेको जनाएको छ।

वर्षायाम सुरु हुनुअघि सवारी साधनको समयमै जाँच र मर्मत गर्न यो अभियान उपयुक्त अवसर हुने विश्वास गरिएको छ। CFMOTO ले सम्पूर्ण ग्राहकहरूलाई नजिकको सेवा केन्द्रमा गई सीमित अवधिको यस अफरको लाभ लिन आग्रह गरेको छ।

थप जानकारीका लागि CFMOTO नेपालका आधिकारिक माध्यम वा नजिकको आधिकारिक प्रतिनिधिसँग सम्पर्क गर्न सकिनेछ।