काठमाडौं । प्रभु इन्स्योरेन्स कम्पनीले चालु आर्थिक वर्षको तेस्रो त्रैमाससम्मको वित्तीय विवरण सार्वजनिक गरेको छ।

कम्पनीको खुद बीमाशुल्क आर्जन गत वर्षको तुलनामा ५ प्रतिशतले वृद्धि हुँदै ५० करोड रुपैयाँ पुगेको छ। गत वर्षको सोही अवधिमा कम्पनीले ४७ करोड ६३ लाख रुपैयाँ खुद बीमाशुल्क आर्जन गरेको थियो।

यस अवधिसम्म कम्पनीको नाफा पनि ५ प्रतिशतले बढेर २१ करोड १५ लाख रुपैयाँ पुगेको छ। गत वर्ष सोही अवधिमा कम्पनीले २० करोड रुपैयाँ नाफा कमाएको थियो।

त्यसैगरी, कम्पनीको कमिशन शुल्क २ प्रतिशतले घटेको छ भने चुक्ता पुँजी १८ प्रतिशतले वृद्धि भएर १ अर्ब ७० करोड रुपैयाँ पुगेको छ। अघिल्लो वर्ष कम्पनीको चुक्ता पुँजी १ अर्ब ४४ करोड रुपैयाँ रहेको थियो।

कम्पनीको महाविपत्ति कोषमा ११ करोड १८ लाख रुपैयाँ तथा बीमा कोषमा ३ अर्ब ३५ करोड रुपैयाँ सञ्चित रहेको छ।

वित्तीय सूचकअनुसार कम्पनीको प्रतिशेयर आम्दानी (ईपीएस) १६ रुपैयाँ ५८ पैसा रहेको छ भने प्रतिशेयर नेटवर्थ २०९ रुपैयाँ ५५ पैसा रहेको कम्पनीले जनाएको छ।