काठमाडौं । विश्वकै सबैभन्दा लोकप्रिय फुटबल प्रतियोगिता फिफा विश्वकप २०२६™ नजिकिँदै गर्दा नेपालको अग्रणी डिजिटल स्ट्रिमिङ प्लेटफर्म DGO ले फुटबलप्रेमी दर्शकका लागि विशेष अफर सार्वजनिक गरेको छ।

कम्पनीका अनुसार अब दर्शकहरूले केवल ५४९ रुपैयाँमा ‘मोबाइल–ओन्ली पास’ खरिद गरी विश्वकपका सबै १०४ खेलहरू आफ्नो मोबाइलमार्फत प्रत्यक्ष हेर्न सक्नेछन्। उक्त पास DGO एपबाट सहज रूपमा खरिद गर्न सकिने व्यवस्था गरिएको छ।

DGO ले विश्वकपका खेलहरू नेपाली कमेन्टरीसहित १०८०p फुल एचडी भिडियो गुणस्तरमा प्रसारण गर्ने जनाएको छ। दर्शकहरूले आफ्नो रोजाइअनुसार नेपाली वा अंग्रेजी कमेन्टरी छनोट गर्न सक्ने सुविधा पनि उपलब्ध हुनेछ।

कम्पनीका अनुसार DGO एपमार्फत केही क्लिकमै मोबाइल पास सक्रिय गर्न सकिनेछ। यसले फुटबल समर्थकहरूलाई झन्झटरहित, सुरक्षित र किफायती रूपमा विश्वकपको रोमाञ्च अनुभव गर्न मद्दत गर्ने विश्वास गरिएको छ।

DGO का प्रवक्ताले नेपाली दर्शकहरूलाई खेलको अनुभवमा कुनै सम्झौता नहोस् भन्ने उद्देश्यले सहज र भरपर्दो सेवा उपलब्ध गराइएको बताए। उनका अनुसार आधिकारिक प्लेटफर्ममार्फत पास खरिद गर्दा प्रयोगकर्ताले सुरक्षित र गुणस्तरीय स्ट्रिमिङ सेवा प्राप्त गर्नेछन्।

कम्पनीले अनलाइनमा देखिने अनधिकृत स्ट्रिमिङ प्लेटफर्म, शंकास्पद एप तथा विज्ञापनहरूबाट सावधान रहन पनि आग्रह गरेको छ। यस्ता प्लेटफर्म प्रयोग गर्दा व्यक्तिगत विवरण तथा बैंकिङ जानकारी जोखिममा पर्न सक्ने चेतावनी दिइएको छ।

DGO ले आफूलाई नेपालका लागि आधिकारिक स्ट्रिमिङ साझेदारका रूपमा प्रस्तुत गर्दै दर्शकहरूलाई एपमार्फत सुरक्षित रूपमा विश्वकपको आनन्द लिन अनुरोध गरेको छ।