काठमाडौं । नेपालको पहिलो डिजिटल वालेट ‘आइएमई पे’ ले आईईएलटीएस टेस्टको शुल्क भुक्तानीमा १ हजार रुपैयाँ छुट सुविधालाई हालै सार्वजनिक गरेको थियो ।

उक्त सुविधालाई अझ परिष्कृत गर्दै सेवाग्राही माझ प्रवर्द्धन गर्नको लागि आइएमई पेले आईईएलटीएस टेस्ट शुल्कमा फ्ल्याट २ हजार रुपैयाँ क्यासब्याक प्रदान गर्ने योजना सार्वजनिक गरेको छ ।

सेवाग्राहीहरूले यो क्यासब्याक सुविधा यही पौष ५ गते सम्म प्राप्त गर्न सक्ने कम्पनीले जनाएको छ भने पहिले सार्वजनिक भएको अफर अनुसार १ हजार छुट सुविधा निरन्तर चलिरहने छ ।

यो नयाँ सेवा मार्फत अब प्रयोगकर्ताले समय र मेहनत बचाइ आइएमई पे एप मार्फत आफ्नो आईईएलटीएस परीक्षा शुल्क सहजै तिर्न सक्ने बैंकले जनाएको छ । प्रयोगकर्ताहरूले आईईएलटीएस को एकेडेमिक टेस्ट र जेनेरल ट्रेनिङ टेस्ट, IELTS UKVI को एकेडेमिक टेस्ट र जेनेरल ट्रेनिङ टेस्ट,Life Skills A1/A2, B1 को निम्ति भुक्तानी गर्न सक्नेछन् ।

आइएमई पे एपबाट आईईएलटीएस टेस्टको मिति बुक गर्न र शुल्क भुक्तानी गर्न प्रयोगकर्ताहरूले एपको होमपेजमा ‘वाट्स निउ’ भागमा ‘आईईएलटीएस टेस्ट बुकिङ’ मा गई सोधिएको विवरण भरेर गर्न सक्ने बैंकले जानकारी दिएको छ ।