काठमाडौं । भारतको अग्रणी टाइल निर्माता कजारियाले नेपालमा आफ्नो उपस्थिति अझ मजबुत बनाउँदै सतुंगल, काठमाडौँमा अत्याधुनिक सोरुम उद्घाटन गरेको छ। श्री साई इन्टरप्राइजेज द्वारा सञ्चालित यो सोरुमले उच्च गुणस्तरका टायलहरूको बढ्दो मागलाई पूरा गर्ने लक्ष्य राखेको छ।

उद्घाटन समारोहमा प्रमुख अतिथिको रूपमा चन्द्रागिरी नगरपालिकाका मेयर श्री घनश्याम गिरी र चन्द्रागिरी नगरपालिका वार्ड नं. ११ का अध्यक्ष श्री नरेन्द्र राज श्रेष्ठको उपस्थिति रहेको थियो। विशेष समारोहमा दुबै अतिथिहरूले रिबन काटेर सोरुम विस्तारको शुभारम्भ गरे।

समारोहलाई सम्बोधन गर्दै कजारियाका राष्ट्रिय सेल्स प्रमुख श्री प्रवीन सिंहले नयाँ सोरुमको उद्घाटनप्रति आफ्नो उत्साह व्यक्त गरे। उनले भने, “काठमाडौँ कजारियाका लागि एक प्रमुख बजार रहिआएको छ, र यो सोरुम हाम्रो प्रतिबद्धताको प्रमाण हो जसले घरधनीहरू, आर्किटेक्ट र निर्माणकर्ताहरू सामु उच्च गुणस्तरका टायलहरू पुर्याउने काम गर्दछ। हामी आफ्ना नवीनतम र मजबुत उत्पादनहरूलाई ग्राहकहरूसम्म नजिक ल्याउन पाउँदा खुशी छौं।”

काठमाडौँको महत्वपूर्ण क्षेत्र रहेको यो नयाँ सोरुमले प्रिमियम टायलहरूको विस्तृत संग्रह प्रदान गर्नेछ, जसले ग्राहकहरूलाई सजिलो पहुँच र सुविधा सुनिश्चित गर्नेछ। यसको विस्तारसँगै, कजारियाले उच्च गुणस्तर र डिजाइनका नयाँ मापदण्डहरू सेट गर्ने आफ्नो मिशनलाई निरन्तर अघि बढाउँदै नेपालका निर्माण सामग्रीहरूको क्षेत्रमा आफ्नो नेतृत्वलाई बलियो बनाउँदैछ।

नेपालभर प्रिमियम टाइल्सलाई सहजै उपलब्ध गराउने आफ्नो लक्ष्यलाई निरन्तरता दिँदै यो शोरुमको शुभारम्भ कजारियाका लागि महत्वपूर्ण उपलब्धि हो।

यसैबीच, रमेश कर्प र भारतको अग्रणी टायल उत्पादक कजारिया सेरामिक्स लिमिटेडको संयुक्त उद्यम कजारिया रमेश टाइल्स लिमिटेडले नवलपरासीमा नेपालको सबैभन्दा ठूलो टायल उत्पादन प्लान्ट स्थापना गरेको छ। नेपाललाई टाइल्समा आत्मनिर्भर बनाउने लक्ष्यका साथ यो आयोजनाले स्थानीय कच्चा पदार्थ प्रयोग गरी वार्षिक ५२ लाख वर्गमिटर टायल उत्पादन गर्नेछ।

४०० करोड नेपाली रुपैयाँको लगानीमा स्थापना गरिएको यो प्लान्टले देशको अर्थतन्त्रलाई उकास्ने मात्र नभई विश्वस्तरीय कजारिया टाइल्सलाई सुलभ मूल्यमा उपलब्ध गराउने लक्ष्य राखेको छ। यसले स्थानीय अर्थतन्त्रलाई उल्लेखनीय रूपमा बढावा दिनेछ, हजारौं रोजगारीका अवसरहरू प्रदान गर्नेछ, स्थानीय समुदायको जीवनस्तर उकास्नेछ र समग्र वृद्धि तथा विकासलाई प्रवर्द्धन गर्नेछ।