काठमाडौं । नेपाल बिजनेस समिट २०२५ को दोस्रो संस्करणमा वर्ल्डलिंक कम्युनिकेसन्सले इन्टरनेट साझेदार (आईएसपी पार्टनर)को रूपमा साझेदारी गर्ने भएको छ ।

आगामी वैशाख ७ गते काठमाडौंमा आयोजना हुने सम्मेलनमा साझेदारीबारे शुक्रबार वर्ल्डलिंक कम्युनिकेसन्स लिमिटेडका तर्फबाट अध्यक्ष दिलिप अग्रवाल र नेपाल बिजनेस इन्स्टिच्युट (एनबीआई)का तर्फबाट कार्यकारी अध्यक्ष विशाल गैरेले समझदारी पत्रमा हस्ताक्षर गरे ।

नेपाल सरकार, उद्योग, वाणिज्य तथा आपूर्ति मन्त्रालय, नेपाल चेम्बर अर्फ कमर्स (एनसीसी ) नेपाल बिजनेस इन्स्टिच्युट (एनबीआई )को आयोजना रहने सम्मेलनमा विभिन्न मन्त्रालय र स्थानीय तह, निजी क्षेत्र र अन्तर्राष्ट्रिय साझेदार निकायले साझेदारी गर्ने छन् ।

वर्ल्डलिंक कम्युनिकेसन्सका अध्यक्ष दिलिप अग्रवालले स्टार्टअप, इनोभसन र सूचना, प्रविधिको विकासमा सरकारले प्राथमिकता दिनुपर्ने बताए । राष्ट्रियस्तरमा आयोजना हुने यसखाले सम्मेलनले सरकारको नीति निमार्णमा सहजीकरण र निजी क्षेत्रमैत्री वातावरण निमार्णमा सहयोग पुग्ने बताए ।