काठमाडौं । नेपालका लागि आधिकारिक वितरक एमएडब्लु वृद्धि अटोकर्पले भृकुटीमण्डपमा जारी नाडा अटो शो २०२५ मा चांगनको लुमिन ईभी सार्वजनिक गरेको छ। यस कारको मूल्य २२ लाख ९९ हजार रुपैयाँ तोकिएको छ।

सिटी कार श्रेणीमा पर्ने लुमिन ईभीमा ३५ किलोवाट मोटर तथा १७.६५ केडब्ल्यूएच र २८.०८ केडब्ल्यूएच क्षमताका ब्याट्री प्याक उपलब्ध छन्, जसले क्रमशः २०५ र ३०१ किलोमिटर रेन्ज दिनेछन्। डीसी फास्ट चार्जरमार्फत ३५ मिनेटमै ३० देखि ८० प्रतिशतसम्म चार्ज गर्न सकिने सुविधा छ।

कारमा १४ इन्च ह्विल, ७ इन्च डिजिटल इन्स्ट्रुमेन्ट स्क्रिन, १०.२५ इन्च इन्फोटेनमेन्ट युनिट, भ्वाइस असिस्टेन्ट, रेडियो, नेभिगेसन, स्मार्टफोन कनेक्टिभिटी र एडेप्टिभ क्रुज कन्ट्रोलजस्ता फिचर राखिएका छन्।

चीनमा पहिलो पटक २०२२ मा सार्वजनिक गरिएको यो मोडल मोड्युलर ईपीए जिरो प्लेटफर्ममा आधारित रहेको कम्पनीले जनाएको छ।