काठमाडौं । एनआईसी एशिया बैंक र सिपी हस्पिटल प्रा.लि. बीच सम्पन्न सम्झौताअनुसार अब बैंकका ग्राहकले धनगढी, कैलालीमा रहेको सिपी हस्पिटलमा स्वास्थ्य उपचार गर्दा २० प्रतिशतसम्म छुट सुविधा पाउने भएका छन् ।

यस सहकार्यसँगै बैंकका ग्राहकले अस्पतालले उपलब्ध गराउने विभिन्न स्वास्थ्य सेवामा छुट उपभोग गर्न सक्नेछन् । छुट सुविधा लिनका लागि बैंकको डेबिट कार्ड, क्रेडिट कार्ड, प्रिपेड कार्ड वा मोबैंक एपमार्फत डिजिटल भुक्तानी गर्नुपर्नेछ ।

बैंकले यस सहकार्यले ग्राहकलाई स्वास्थ्य उपचारमा राहत मिल्नुका साथै मुलुकमा डिजिटल भुक्तानी प्रवर्द्धन र नगदरहित कारोबारलाई प्रोत्साहन गर्ने विश्वास लिएको जनाएको छ ।