एनआईसी एशिया बैंकका ग्राहकलाई र्याडिसन होटलमा २० प्रतिशतसम्म छुट सुविधा
Sunday Aug 31, 2025
वि.सं.२०८२ भदौ १५ आइतवार २१:१४
काठमाडौं । एनआईसी एशिया बैंकका ग्राहकले अब र्याडिसन होटलमा विशेष छुट सुविधा प्राप्त गर्ने भएका छन् । बैंक र होटलबीच भएको समझदारीअनुसार, काठमाडौंस्थित र्याडिसन होटलमा बैंकका ग्राहकले डिजिटल भुक्तानी गर्दा २० प्रतिशतसम्म छुट पाउनेछन् ।
यस अन्तर्गत खाना तथा पेय पदार्थ र फिटनेस सेन्टर (जिम) मा २० प्रतिशतसम्म छुट प्राप्त गर्न सकिनेछ भने Airport Lounge and Restaurant, Pastry Shop तथा Tranquillity Spa मा १५ प्रतिशत छुटको सुविधा उपलब्ध हुनेछ ।
ग्राहकले छुटको सुविधा लिन बैंकको डेबिट कार्ड, क्रेडिट कार्ड, प्रिपेड कार्ड वा मोबैंक (MoBank) एपमार्फत भुक्तानी गर्नुपर्नेछ ।
बैंकले यस सहकार्यले आफ्ना ग्राहकलाई सुविधा प्रदान गर्नुका साथै मुलुकमा डिजिटल भुक्तानी सेवाको प्रवर्द्धन र नगदरहित कारोबारलाई थप प्रोत्साहन गर्ने विश्वास व्यक्त गरेको छ ।
