काठमाडौं । लक्ष्मी सनराइज क्यापिटल लिमिटेडद्वारा व्यवस्थापन गरिएको लक्ष्मी सस्टेनेबल इनर्जी फण्ड ले निर्धारित १ अर्ब रुपैयाँ संकलन गर्न सफल भएको छ । यस फण्डको प्रवर्द्धक लक्ष्मी सनराइज बैंक लिमिटेड रहेको छ भने यो क्यापिटलद्वारा सञ्चालन गरिएको पहिलो प्राइभेट इक्विटी फण्ड हो ।

फण्डले जलविद्युत, सौर्य, वायु ऊर्जा तथा अन्य नवीकरणीय स्रोतमा लगानी गर्दै नेपालको दिगो ऊर्जा क्षेत्रको विकासमा टेवा पुर्‍याउने लक्ष्य लिएको छ ।

फण्ड व्यवस्थापकले उद्देश्य पूर्तिमा विश्वास र समर्थन जनाएका सम्पूर्ण लगानीकर्ताप्रति आभार व्यक्त गरेको छ । साथै, लक्ष्मी सनराइज क्यापिटल लिमिटेडले विभिन्न संस्थासँग सहकार्य गर्दै लगानीलाई थप प्रभावकारी बनाउने बताएको छ ।