काठमाडौं । एनआईसी एशिया बैंकले आफ्ना ग्राहकहरूको आवश्यकता पूरा गर्न ‘एनआईसी एशिया साथी घर कर्जा’ योजना सार्वजनिक गरेको छ । “सपना तपाईंको, साथ हाम्रो” भन्ने नाराका साथ ल्याइएको यस योजनाअन्तर्गत न्यूनतम रू. ५० लाखदेखि अधिकतम रू. ३ करोडसम्म घर कर्जा उपलब्ध हुनेछ ।

यस योजनाअन्तर्गत घर तथा अपार्टमेन्ट खरिद, घर निर्माण तथा पुनःनिर्माण र घडेरी खरिदका लागि कर्जा लिन सकिनेछ । आकर्षक ब्याजदर र सरल प्रक्रिया सहित उपलब्ध हुने यस कर्जाको अवधि अधिकतम २५ वर्ष रहनेछ ।

घर खरिद तथा निर्माण गर्ने ग्राहकलाई ठोस टेवा पुर्‍याउने उद्देश्यले ल्याइएको यस योजनाअन्तर्गत, पहिलो पटक घर खरिद वा निर्माण गर्ने व्यक्तिको हकमा कर्जा र धितोको अनुपात अधिकतम ८० प्रतिशत तथा अन्यका लागि अधिकतम ७० प्रतिशत निर्धारण गरिएको बैंकले जनाएको छ ।