काठमाडौं । देशमा बढ्दो सुरक्षा चुनौतीलाई मध्यनजर गर्दै नेपाली सेनाले नागरिकलाई उच्च सतर्क रहन आग्रह गरेको छ।

सेनाले लुटपाट, आगजनी तथा जीउधनको क्षति गर्ने उद्देश्यले उछृङखल तत्वहरुले विभिन्न स्थानमा विध्वंसात्मक र अराजक गतिविधि गर्न सक्ने भन्दै नागरिकलाई सन्देहास्पद गतिविधि देखिएमा तुरुन्त Hotline ९८६३०२९०२९ (WhatsApp/Viber) मा जानकारी गराउन अनुरोध गरेको छ।

त्यसअघि स्थानीय समुदायले Neighbourhood Watch मार्फत एकजुट भई निरन्तर निगरानी गर्न, खबर आदानप्रदान गरी आफ्नो टोल–छिमेकलाई सुरक्षित राख्नुपर्नेमा सेनाले जोड दिएको छ।

यस्तै, केही तत्वहरुले सामाजिक सञ्जालमार्फत भ्रामक समाचार फैलाउने र स्थितिलाई अतिरञ्जित बनाउन खोजेको हुँदा, सही र तथ्यपरक सूचना मात्र साझा गर्न अपिल गरिएको छ।

नेपाली सेना तथा अन्य सुरक्षा निकायहरु देशभर शान्ति, सुरक्षा र अमन–चयन कायम गर्न चौबीसै घण्टा सक्रिय रहेको समेत जानकारी दिइएको छ।